TMKOC: मालिका सोडण्यापूर्वी खूप घाबरलो होतो; ‘तारक मेहता…’च्या ‘टप्पू’नं केला मोठा खुलासा! नेमकं काय झालं?

टेली टॉकशी बोलताना ‘टप्पू’ फेम भव्य म्हणाला की,'मला सांगण्यात आलं होतं की, तुम्हाला ते कराचं असेल, तरी आम्ही तुझ्यासोबत आहोत आणि तुला ते करायचं नसेल तरी देखील आम्ही तुझ्यासोबत आहोत. त्यावेळी मी काय विचार करत होतो हे मला आठवत नाही, पण मला एवढेच आठवते की मी एका प्रश्नामुळे खूप घाबरलो होतो. 

भव्य पुढे म्हणाला की, ‘आमच्या शोचा एक कायदेशीर फॉरमॅट आहे, तो मी पूर्ण केला. या नुसार ३ महिन्यांचा नोटीस पीरियड होता, पण मी ९ महिन्यांचा नोटीस पिरीयड पूर्ण केला आणि त्यानंतर हा शो सोडण्या ऐवजी काही काळासाठी प्रेक्षकांचा निरोप घेण्याचा विचार केला होता.’

TMKOC: ‘तारक मेहता..’ मालिकेतील पहिली ‘सोनू’ आठवतेय का? ‘या’ कारणामुळे मालिकेतून झाली होती आऊट!

निर्मात्यांनी केला थांबवण्याचा प्रयत्न

भव्यने शो सोडावा अशी निर्मात्यांची अजिबात इच्छा नव्हती. भव्याने ९ महिन्यांची नोटीस पिरीयड का सर्व्ह केला, याबद्दल देखील त्याने सांगितले. त्याने सांगितले की, निर्मात्यांनी त्याला शो न सोडण्याविषयी सांगितले होते. इतर लोकही तेच सांगत होते. मात्र, त्याने ठरवलं की, तो आता या शोला रामराम करेल आणि स्वत:चं काहीतरी सुरू करेल. मात्र, हे सगळं ठरवत असताना मनातून मी खूप घाबरलो होतो, असे भव्य गांधी म्हणाला.

‘या’ कलाकारांनी सोडली मालिका

भव्य गांधीव्यतिरिक्त आतापर्यंत ‘तारक मेहता का उल्टा चष्मा’ या मालिकेत ‘अंजली’ची भूमिका साकारणारी नेहा मेहता, ‘मिसेस सोढी’ची भूमिका साकारणारी जेनिफर मिस्त्री, ‘सोढी’ची भूमिका साकारणारी गुरचरण सिंह, ‘सोनू’ची भूमिका साकारणारी झील मेहता आणि निधी भानुशाली, ‘गोली’ची भूमिका साकारणारा कुश शाह या कलाकारांनी ही मालिका सोडली आहे. यापैकी काही पात्रांसाठी नवे चेहरे मिळाले आहेत. पण, आजपर्यंत ‘दया बेन’ या पात्रासाठी निर्मात्यांना नवा चेहरा सापडलेला नाही. यापूर्वी अभिनेत्री दिशा वकानी ही व्यक्तिरेखा साकारत होती.