Swara Bhasker: या राक्षसाला...; स्वरा भास्करची श्रद्धा वालकर प्रकरणावर संतप्त प्रतिक्रिया

स्वराही सोशल मीडियावर प्रचंड सक्रिय असते. तिने श्रद्धा प्रकरणावर प्रतिक्रिया देत एक ट्वीट केले आहे. "हे प्रकरण किती भयानक, भीषण आणि दुःखद आहे. याविषयी बोलण्यासाठी शब्द नाहीत. आपण ज्या व्यक्तीवर प्रेम करतो त्यानेच आपल्यासोबत असे वागणे अतिशय वाईट आहे. या घटनेविषयी ऐकून मला प्रचंड त्रास झाला. आशा आहे की पोलीस त्यांचा तपास त्वरीत पूर्ण करतील आणि या राक्षसाला योग्य ती कठोर शिक्षा देतील" या आशयाचे ट्वीट करत स्वराने संताप व्यक्त केला आहे.
वाचा : “मुलींनी ...", श्रद्धा वालकर प्रकरणावर शरद पोंक्षे यांची प्रतिक्रिया

श्रद्धा मुळची महाराष्ट्रातील पालघर जिल्ह्यातील होती. मुलीच्या शोधासाठी तिचे वडील पालघर येथूनदिल्लीत आले. ते श्रद्धाच्या फ्लॅटवर पोहोचले तेव्हा त्याला कुलूप होते. त्यांनी मुलगी हरवल्याची तक्रार पोलीस ठाण्यात दाखल करून मुलीच्या नात्याबाबत पोलिसांना सांगितले आणि बेपत्ता होण्यामागे आफताबचा हात असावा असा संशय व्यक्त केला. तक्रारीच्या आधारे पोलिसांनी आफताबचा शोध सुरू केला आणि त्याचा शोध घेऊन त्याला अटक केली.चौकशीत आफताबने आपला गुन्हा मान्य केला. त्याने सांगितले की, श्रद्धा त्याच्यावर लग्नासाठी दबाव आणत होती आणि त्यावरून दोघांमध्ये भांडणे होत होती. पोलिसांनी त्याला अटक केली असून न्यायालयाने आरोपीला ५ दिवसांची पोलीस कोठडी सुनावली आहे.