Video : निर्मळ मनाचा स्टार! ‘बिग बॉस मराठी ५’चा विजेता विद्यार्थ्यांना असं काही बोलून गेला की सगळ्यांनी केलं कौतुक!

सूरज चव्हाण हा सोशल मीडियावर आधीपासूनच सक्रिय होता. टिकटॉक व्हिडिओंमुळे त्याने सुरुवातीस प्रसिद्धी मिळवली,मात्र काही वेळा त्याला ट्रोलिंगचाही सामना करावा लागला. अशा कठीण परिस्थितीतही सूरजने हार न मानता स्वतःला सिद्ध केलं. लहानपणीच आई-वडिलांचे छत्र हरपलेले सूरज खडतर परिस्थितीत वाढला. त्याच्या आत्याने आणि बहिणींनी त्याला सांभाळत मोठं केलं. शिक्षण घेता न आल्यामुळे व्यवहारज्ञान कमी असतानाही सूरजने आपल्या मेहनतीच्या जोरावर लोकप्रियता मिळवली आणि आज तो अनेकांचा आदर्श ठरला आहे.

Suraj Chavan : सूरज चव्हाणच्या घरी मिळाली ‘अशी’ अपमानास्पद वागणूक; ‘कोकण हार्टेड गर्ल’ अंकिता दुखावली!

विद्यार्थ्यांना दिला लाखमोलाचा सल्ला!

सूरजने नुकतीच वसेवाडी जवळील जिल्हा परिषदेच्या प्राथमिक शाळेत भेट दिली. त्याला पाहण्यासाठी शाळेच्या पटांगणात विद्यार्थी मोठ्या संख्येने जमले होते. सूरजची एन्ट्री होताच विद्यार्थ्यांनी जोरदार टाळ्यांच्या गजरात त्याचं स्वागत केलं. या भेटीत सूरजने मुलांशी संवाद साधत त्यांना महत्त्वपूर्ण सल्ला दिला. व्हायरल झालेल्या व्हिडिओमध्ये सूरज विद्यार्थ्यांना म्हणताना दिसतो,‘काय मग,चांगलं शिकताय ना? अजून मोठं व्हायचंय ना?मला शिक्षण घ्यायला जमलं नाही,पण तुम्ही खूप शिकून मोठं व्हा.’त्याच्या या बोलण्याने विद्यार्थ्यांमध्ये नवचैतन्य संचारले.

सोशल मीडियावर तुफान व्हायरल

सूरज चव्हाणने आपल्या इन्स्टाग्राम अकाउंटवरून या भेटीचा व्हिडिओ शेअर केला आहे. या व्हिडिओमध्ये सूरज विद्यार्थ्यांना त्यांच्या भविष्यासाठी शिकण्याचं महत्त्व पटवून देताना दिसतो. त्याच्या साध्या आणि सरळ संवादाने सोशल मीडियावर चाहत्यांची पसंती मिळाली आहे. हा व्हिडिओ पाहून सूरजचं आयुष्य किती प्रेरणादायी आहे,याची जाणीव होते.

‘बिग बॉस मराठी’च्या घरात आपली ओळख निर्माण केल्यानंतर सूरज चव्हाण अधिक चर्चेत आला आहे. शोमधील त्याचा साधा आणि मनमिळाऊ स्वभाव,संघर्षाची कथा,आणि सकारात्मक दृष्टिकोन यामुळे त्याला महाराष्ट्रभरातून मोठा पाठिंबा मिळाला. शोमधील यशानंतर सूरजने समाजातील वंचितांसाठी काम करण्याची भूमिका घेतल्याचं दिसत आहे.