Suraj Chavan : ना लिहिता येतं ना वाचता, मग सूरज चव्हाण फोन कसा वापरतो? लोकांचे नंबर कसे लक्षात ठेवतो?

‘बिग बॉस मराठी ५’ची ट्रॉफी जिंकल्यानंतर अनेकांनी सूरजला पाठींबा दिला. मात्र, अशीही काही लोकं होती, ज्यांनी सूरजवर खूप टीका केली. केवळ सहानुभूती पोटी आणि गरिबीमुळे सूरजला ट्रॉफी दिली गेली, असं देखील म्हटलं गेलं. परंतु, असं काहीही नसल्याचं वाहिनीने देखील स्पष्ट केलं. सूरज चव्हाणची या सीझनसाठी कशी निवड झाली हे सांगताना केदार शिंदे यांनी देखील सूरजच्या सच्चेपणावर विश्वास ठेवल्याचं म्हटलं होतं. तर, सूरज चव्हाणने ट्रॉफी जिंकल्यावर या शोचा कास्टिंग डायरेक्टरने देखील सूरजसाठी पोस्ट लिहित त्याचं खूप कौतुक केलं होतं. इतकंच नाही तर, सूरज लोकांचे नंबर कसे लक्षात ठेवतो आणि फोन कसा वापरतो, हे देखील सांगितले होते.

Suraj Chavan Film: सूरज चव्हाणच्या चित्रपटावर बंदी घालण्याची मागणी करणारा वकील नरमला! मागितली जाहीर माफी

काय आहे सूरजची मास्टर ट्रिक?

सूरज चव्हाणच्या आयुष्यात आजवर अनेक चढ उतार आले आहेत. पण, त्याने आई मारी माता, श्री खंडोबा, गणपती बाप्पावर विश्वास ठेवला आणि तो प्रत्येक प्रसंगाला धीराने सामोरा गेला. त्याची अनेक उदाहरणं आहेत. पण, सोपं उदाहरण द्याचं तर, त्याला लिहिता येत नाही. अक्षरांचा आणि अंकांचा गोंधळ आहे. हे त्याने बऱ्याचदा सगळ्यांसमोर याची कबुली दिली आहे. मग तो फ़ोन कसा वापरत असेल? एखाद्याचा नंबर कसा लक्षात ठेवत असेल? लोक प्रॉब्लम समोर येताच रडत बसतात. पण, त्याने शक्कल लढवली.

यासाठी त्याने इमोजीसचा आधार घेतला आणि लोकांना लक्षात ठेवलं. ज्याच्यावर तो नाराज आहे किंवा जो व्यक्ती त्याच्या फारसा जवळचा नाही, त्याच्यासाठी तो ‘बुक्की’चा इमोजी वापरतो. जे लोक त्याच्यासाठी फार जवळचे आहेत, त्यांच्यासाठी एक हार्ट इमोजी तो वापरतो. मित्रांसाठी ‘मिठी’ मारण्याचा इमोजी, जरा जास्तच प्रेम असणाऱ्यांना तीन-चार हार्ट इमोजी तो वापरतो.