पुढील बातमी

class="fa fa-bell">ठळक बातम्या:

बॉक्स ऑफिसवरची टक्कर टाळण्यासाठी 'विकून टाक' च्या प्रदर्शनाची तारीख बदलली

विकून टाक

एकाच दिवशी जर दोन मोठे चित्रपट प्रदर्शित होत असतील तर परस्पर सामंजस्याने एका चित्रपटाच्या प्रदर्शनाची तारीख पुढे ढकलली जाते. हिंदी चित्रपटसृष्टीमध्ये ही गोष्ट सर्रास घडताना दिसते. मात्र मराठीमध्ये क्वचितच अशी वेळ येते. येत्या ३१ जानेवारीला मराठीमध्ये 'विकून टाक', 'चोरीचा मामला' आणि इतर काही मोठे चित्रपट प्रदर्शित होणार होते. बॉक्स ऑफिसवर होणारी ही टक्कर टाळण्यासाठी या चित्रपटांच्या निर्मात्यांनी आपसी सहमतीने 'विकून टाक' या चित्रपटाच्या प्रदर्शनाची तारीख बदलली आहे. आता 'विकून टाक' हा चित्रपट १४ फेब्रुवारीला प्रदर्शित होणार आहे. हिंदी चित्रपटसृष्टीमध्ये हा ट्रेण्ड अगदी सामान्य आहे. आता मराठी मध्ये देखील हा ट्रेण्ड रुजताना दिसत आहे.

चित्रीकरणासाठी Man Vs Wild च्या टीमनं भरले इतके शुल्क

       या निर्णयाबद्दल बोलताना 'विकून टाक'चे निर्माते उत्तुंग ठाकूर म्हणाले, " 'विकून टाक' सिनेमातून आम्ही प्रेक्षकांना हसवता हसवता सामाजिक संदेशही देणार आहोत. चित्रपट तयार करताना संपूर्ण टीम प्रचंड मेहनत घेऊन त्यांच्या कल्पनेतला सिनेमा प्रत्यक्षात साकारण्यासाठी प्रयत्न करत असते.  एकाच दिवशी मोठे सिनेमे प्रदर्शित झाल्यास त्या चित्रपटांच्या व्यवसायाला त्याचा फटका बसतो. अशावेळी प्रेक्षकांनाही प्रश्न पडतो, की कोणता चित्रपट पाहावा? त्यामुळे आमचा हा निर्णय सगळ्यांसाठीच योग्य आहे.  मला वाटते प्रेक्षकही उत्सुकतेने या सिनेमांच्या प्रतीक्षेत आहेत. चित्रपटसृष्टी ही एका परिवारासारखी आहे. आमच्या या निर्णयामुळे सर्व चित्रपटांच्या निर्मात्यांना आणि पर्यायाने चित्रपटसृष्टीला त्याचा फायदा होईल."

रुग्णालयात दाखल असलेल्या दिग्दर्शकाच्या उपचारांचा खर्च अक्षयनं उचलला

     'विकून टाक' या चित्रपटात शिवराज वायचळ, चंकी पांडे, रोहित माने, राधा सागर, ऋतुजा देशमुख, समीर चौगुले, हृषीकेश जोशी, वर्षा दांदळे, जयवंत वाडकर यांच्या प्रमुख भूमिका आहेत.