करण जोहरची निर्मिती असलेल्या आणि टायगर श्रॉफ, तारा सुतारिया आणि अनन्या पांडे यांची प्रमुख भूमिका असलेला 'स्टुडंट ऑफ द इअर २' चित्रपट गेल्याच महिन्यात प्रदर्शित झाला. प्रेक्षकांच्या पसंतीस उतरण्यास हा चित्रपट अपयशी ठरला असला तरी कमाईच्या बाबतीत बॉक्स ऑफिसवर हा चित्रपट पास झाला आहे. पुनीत मल्होत्राचं दिग्दर्शन असलेल्या या चित्रपटानं तीन दिवसांत ३८. ८३ कोटींची कमाई केली आहे.
सरस्वतीची उपासना सोडून इतर सर्व काही सुरू असलेल्या करणच्या कॉलेजची सोशल मीडियावर अनेकांनी खिल्ली उडवली. असं कॉलेज कुठे अस्तित्वात असतं असा खोडकर सवालही अनेकांनी सोशल मीडयावर विचारला. चित्रपटाची कथा प्रेक्षकांना आवडली नसली तरी बॉक्स ऑफिसवर मात्र हा चित्रपट चांगली कमाई करताना दिसत आहे. पहिल्या दिवशी या चित्रपटानं १२. ६ कोटींची. दुसऱ्या दिवशी १४ . ०२ कोटींची तर तिसऱ्या दिवशी १२.७५ कोटींची कमाई केली. प्रेक्षकांची मनं जिंकायला रुपेरी पडद्यावरचे हे तिन्ही विद्यार्थी नापास झाले असले तरी बॉक्स ऑफिसवर हे तिघंही पास झाले आहे. स्टुडंट ऑफ द इअर २ नं तीन दिवसांत एकूण ३८. ८३ कोटींची कमाई केली आहे. २०१९ या वर्षात प्रदर्शनाच्या दिवशीच १० कोटींपेक्षा जास्त कमाई करणारा हा पाचवा चित्रपट ठरला आहे.
#StudentOfTheYear2 saw limited growth on Day 2, while the sixth phase of polling [cinemas were shut till evening] + #IPL2019Final [evening onwards] affected its biz on Day 3... Fri 12.06 cr, Sat 14.02 cr, Sun 12.75 cr. Total: ₹ 38.83 cr. India biz. #SOTY2
— taran adarsh (@taran_adarsh) May 13, 2019
Tiger Shroff versus Tiger Shroff... Top 3 *opening weekend* biz...
— taran adarsh (@taran_adarsh) May 13, 2019
2016: #Baaghi ₹ 38.58 cr
2018: #Baaghi2 ₹ 73.10 cr
2019: #SOTY2 ₹ 38.83 cr#SOTY2 faces two major films on Fri - #DeDePyaarDe and #JohnWick: Chapter 3... Biz on weekdays is extremely crucial. India biz.
या चित्रपटातून अनन्या पांडे आणि तारा सुतारिया या दोघींनी बॉलिवूडमध्ये पदार्पण केलं आहे. या आठवड्यात बॉक्स ऑफिसवर कमाईच्या आकड्यात सातत्य ठेवण्याचं मोठं आवाहन या 'स्टुडंट ऑफ द इअर २' समोर असणार आहे. कारण या आठवड्यात अजय देवगनचा 'दे दे प्यार दे' हा चित्रपट देखील प्रदर्शित होत आहे.
