अवघा महाराष्ट्र ऐकणार आवाज उद्याचा! 'सुपरस्टार सिंगर'साठी ऑडिशन द्यायचे? वाचा कसे

‘ताल, लय आणि सूर यांची बहारदार मैफिल रंगणार कारण, अवघा महाराष्ट्र ऐकणार आवाज उद्याचा! अशी टॅग लाईन आलेल्या सुपरस्टार सिंगर या धमाकेदार कार्यक्रमाची लवकरच सुरुवात होणार आहे. या कार्यक्रमाच्या द्वारे सदाबहार गाण्यांची सुरेल पर्वणी महाराष्ट्राच्या रसिकांना मिळणार आहे. तसेच या शोमध्ये सहभागी कसे व्हावे असा प्रश्न देखील पडला आहे. चला जाणून घेऊया या कार्यक्रमाचे ऑडिशन कसे द्यावे?

१० ऑगस्ट ते २४ ऑगस्टदरम्यान होणार ऑडिशन्स

'सुपरस्टार सिंगर' या कार्यक्रमाद्वारे एक नवा आश्वासक सूर शोधण्याचा प्रवास १० ऑगस्टपासून सुरु होणार आहे. २४ ऑगस्टपर्यंत स्पर्धेच्या ऑडिशन्स सुरु राहणार आहेत. याकरीता ५ ते ३० हा वयोगट असणार आहे. या ऑडिशनमधून निवडल्या जाणाऱ्या निवडक स्पर्धकांसोबत रंगणार आहे सूरांचे अद्वितीय पर्व. या ऑडिशन्स तुम्हाला सोनी लिव्हवर पाठवता येणार आहेत.
वाचा : 'मला महाराष्ट्राचे राजकारण तुझ्यात दिसतंय', अंकिता वालावलकरचा छोट्या पुढारीला टोला

ऑडिशन्स रेकॉर्ड करुन कुठे पाठवायचे?

संगीत क्षेत्रातील दिग्गज परिक्षक, अनुभवी मार्गदर्शक यांना सोबत घेऊन ‘सुपरस्टार सिंगर’ या कार्यक्रमाचा सूरमयी प्रवास सुरु होणार आहे. या कार्यक्रमाचे सूत्रसंचालन कोण करणार? असा प्रश्न देखील सर्वांना पडला आहे. 'सुपरस्टार सिंगर’ हा हिंदी रिअॅलिटी कार्यक्रम विलक्षण लोकप्रिय झाल्यामुळे याच्या मराठी पर्वाची देखील तितकीच उत्सुकता निर्माण झाली आहे. तुमच्या गाण्याच्या प्रतिभेला हवा असेल वाव तर आपल्या सुरेल आवाजातील ऑडिशन्स जरूर पाठवा. आपल्या घरात असेल असा उद्याचा आवाज तर त्यांना ही लगेच सांगा ऑडिशन्स द्यायला. १० ऑगस्टपासून ते २४ ऑगस्ट पर्यंत तुम्ही या ऑडिशन्स पाठवू शकता. अधिक माहितीसाठी तुम्ही सोनी लिव्ह या https://www.sonyliv.com/dplnk?schema=sony://ems/4/141/0 या संकेतस्थळाला भेट देऊ शकता.