अरमान मलिक अडकला लग्न बंधनात! सोशल मीडियावर पत्नीचा सुंदर फोटो शेअर करत म्हणाला...

अरमान मलिकने लग्नाचे सहा फोटो शेअर केले आहेत. पहिल्या फोटोत आशना आणि अरमान एकमेकांच्या डोळ्यात डोळे घालून हात धरताना दिसत आहेत. दुसऱ्या फोटोत आशना आणि अरमान एकमेकांचे हात हवेत उंचवतान दिसत आहेत. तिसऱ्या फोटोत तो आशनासमोर हार घालून उभा असल्याचे दिसत आहे. या फोटोत अरमान आनंदाने ओरडताना दिसत आहे. चौथ्या फोटोत आशना एका जारमध्ये केशरी वाळूसारखं काहीतरी टाकताना दिसत आहे. पाचव्या फोटोत आश्ना हातात माइक आणि दुसऱ्या हातात नोटबुक घेतलेली दिसत आहे. सहाव्या फोटोत आशना अरमानला मिठी मारताना दिसत आहे.

Sajid Khan : अनेक वेळा स्वतःला संपवण्याचा विचार केला! मीटूच्या आरोपांनंतर खचला होता साजिद खान

पीच आणि पांढऱ्या रंगात शोभून दिसली जोडी!

अरमान मलिकने हे फोटो शेअर करत लिहिले की, ‘तू माझे घर आहेस.’ आशनाच्या लेहंगाबद्दल बोलायचे झाले तर, पांढऱ्या पीच कलरच्या लेहंगामध्ये ती खूपच सुंदर दिसत होती. त्यावर तिने केशरी रंगाचा दुपट्टा घातला आहे. तर, आशना पोलकी कुंदन ज्वेलरीमध्ये सुंदर दिसत आहे. तर, अरमान मलिकने पीच कलरची शेरवानी परिधान केली आहे.

अरमान मलिकच्या चाहत्यांनी या फोटोंवर भरभरून प्रेम केले आहे. एका युजरने लिहिले की, ‘हे फोटो पाहून माझ्या डोळ्यात आनंदाश्रू आहेत’. तर आणखी एका युजरने लिहिले, ‘तुम्ही दोघेही खूप क्यूट दिसत आहात’. एका तिसऱ्या युजरने लिहिले, ‘माझ्या आवडत्या लोकांचे अभिनंदन.’

कोण आहे आशना श्रॉफ?

३१ वर्षीय आशनाने मुंबईतील एमआयटी कॉलेजमधून पदवी प्राप्त केली असून न्यूझीलंड टर्शरी कॉलेजमध्ये तिने शिक्षण घेतले आहे. ती एक सोशल मिडिया इन्फ्लुएंसर आहे. नोव्हेंबर २०१३ मध्ये, आशनाने तिचा ऑनलाइन व्यवसाय 'द स्नॉब शॉप' सुरू केला, ज्याने फॅशन जगतात पटकन सगळ्यांचे लक्ष वेधून घेतले.