Shraddha Kapoor: रिक्षा सारखं दुसरं आहेच काय?, श्रद्धा कपूरने केला रिक्षाने प्रवास Video Viral

श्रद्धा कपूर सतत चाहत्यांची मने जिंकत असते. नुकताच तिने मैत्रिणीसोबत रिक्षाने प्रवास केला आहे. फोटोग्राफर्सने तिला कार का घेऊन आली नाही असे विचारले तेव्हा तिने 'ऑटो सर्वात उत्तम आहेत आणि ऑटो सारखे काहीच नाही' असे म्हटले. तिचा हा व्हिडीओ पाहून चाहत्यांनी तिचे कौतुक केले आहे.

एका यूजरने श्रद्धाचा हा व्हिडीओ पाहून ‘तिचा साधेपणाच तिला खूप चांगली व्यक्ती बनवतो’ असे म्हटले आहे. तर दुसऱ्या एका यूजरने 'श्रद्धा सारखी दुसरी कोणती अभिनेत्री नाही' असे म्हटले आहे.

श्रद्धाच्या कामाविषयी बोलायचे झाले तर तिचा 'तू झूठी मै मक्कार' हा चित्रपट काही दिवसांपूर्वी प्रदर्शित झाला होता. या चित्रपटात तिच्यासोबत अभिनेता रणबीर कपूर महत्त्वाच्या भूमिकेत दिसला होता. या चित्रपटाने बॉक्स ऑफिसवर चांगली कमाई केली होती.