Shiva : प्रेमातला दुरावा मिटणार? आशु शिवाच्या वाढदिवशी खास सरप्राईज देणार! मालिकेत येणार नवं वळण
Shiva Marathi Serial update : शिवाचा वाढदिवसाच्या जवळ आल्यावर, आशू तिच्यासाठी काहीतरी खास प्लॅन करायचं ठरवणार आहे.
Shiva Marathi Serial : छोट्या पडद्यावरील लोकप्रिय मालिका ‘शिवा’मध्ये आता प्रेक्षकांना प्रेम फुलताना पाहायला मिळणार आहे. शिवा आणि आशूच्या नात्यात आता गोडवा आणखी वाढत आहे. तर, शिवाने आपल्या मनातील भावना बोलून देखील दाखवल्या आहेत. आशू आणि शिवा यांच्या नात्यातील गोडवा कणाकणाने वाढत आहे. एका महत्त्वाच्या प्रसंगात शिवाने आशूला प्रपोज केल्यानंतर आता मनातून खूश झालेला आशू शिवाच्या आवडीची मिठाई घेऊन वस्तीत जातो. परंतु, दिव्या मुद्दाम त्याच्या हातातील मिठाईचा बॉक्स खाली पाडते. त्यामुळे एक अनपेक्षित वळण घेत असतानाही आशूच्या मनातील भावनांचे स्वरूप स्पष्ट होते.
आशूने शिवाच्या आवडीच्या मिठाई आणल्यामुळे आजी खूप आनंदी झाली आहे. तर, अद्याप आशूने उत्तर न दिल्यामुळे घरातील इतर सदस्य आशूला तिच्या भावनांचे उत्तर कधी देईल, याबद्दल सतत विचारणा करत आहेत. याच वेळी, आशूने शिवाच्या आवडीच्या रंगाचा शर्ट घातला आहे. त्याच रंगाची फुलं आणली आहेत आणि शिवाचं एक सुंदर स्केच भिंतीवर लावले आहे. या सर्व गोष्टी पाहून शिवा खूप प्रभावित होते. आशू घरातील सर्व कामे सकाळी लवकर करून शिवासाठी तिची कामं सोपी करतो. त्याच्या या सुसंस्कृत वागणुकीमुळे दोघांचं नातं आणखी दृढ होत आहे.
Suhas Khamkar Movie : बॉडीबिल्डर सुहास खामकरचं मोठ्या पडद्यावर पदार्पण, ‘या’ मराठी चित्रपटात दिसणार मुख्य भूमिकेत!
आशु देणार शिवाला सरप्राईज
शिवाचा वाढदिवसाच्या जवळ आल्यावर, आशू तिच्यासाठी काहीतरी खास प्लॅन करायचं ठरवणार आहे. यासाठी आशू मध्यरात्री सायकलवर चहा विकणाऱ्या माणसाला घरी घेऊन येणार आहे. याशिवाय आशू शिवाच्या मनातील बदलांवर लक्ष ठेवतो. आशू शिवाच्या केसांमध्ये गजरा माळून तिला अनोखं सरप्राईज देणार आहे. दरम्यान, दिव्या गावी पोहोचल्यावर तिच्यासमोर चंदनच्या आयुष्याची सत्य परिस्थिती येणार आहे. चंदन श्रीमंत नाही, हे तिला कळणार आहे. यामुळे आता दिव्या चंदनवर चिडणार आहे. तुझ्यामुळे मी श्रीमंत आशूला सोडलं, असं म्हणत दिव्या आता घर सोडून जाणार आहे.
सीताईला हनिमून दरम्यान आशू आणि शिवा यांच्या नात्यात काहीतरी घडल्याची शंका येते, ज्यामुळे त्या नात्याच्या गोड गोड गोष्टींचं पुढे काय होईल, हे पाहणं थोडं उत्सुकतेचं ठरणार आहे. संपूर्ण कुटुंब आशू आणि शिवाच्या प्रेमाचा आणि त्यांच्या बदलत्या नात्यांचा आदर करत आहे, आणि त्या दोघांचे संबंध भविष्यात आणखी घट्ट होतील, अशी आशा सगळ्यांनाच आहे.
