बहीण सोनाक्षीच्या लग्नाला जाण्यास भावाने दिला होता नकार? शत्रुघ्न सिन्हा यांनी सांगितले खरे कारण

सोनाक्षीच्या लग्नावर शत्रुघ्न सिन्हा काय म्हणाले?

वेव्ह्स रेट्रोला दिलेल्या एक्सक्लुझिव्ह मुलाखतीत शत्रुघ्न सिन्हा यांना त्यांच्या मुलीच्या लग्नाबद्दल विचारण्यात आले. आपल्या मुलीच्या दुसऱ्या धर्मात लग्न करण्याच्या निर्णयाचे समर्थन करता का? असा प्रश्न त्यांना विचारण्यात आला. यावर अभिनेत्याने लगेच उत्तर दिले की, "अर्थात, मी माझ्या मुलीला पाठिंबा देतो. तसे न करण्याचे माझ्याकडे काहीच कारण नाही. हे तिचं आयुष्य आणि तिचं लग्न आहे. त्यांना एकत्र राहावं लागतं. जर त्यांना एकमेकांची खात्री असेल तर त्यांच्या विरोधात जाणारे आपण कोण? एक वडील म्हणून तिला आधार देणं हे माझं कर्तव्य होतं. मी नेहमीच तिच्यासोबत आहे. आणि यापुढेही राहीन. आपण महिला सक्षमीकरणाबद्दल इतके बोलतो, मग तिने स्वत:चा जोडीदार निवडणे कसे चुकीचे ठरू शकते? असे नाही की तिने काही बेकायदेशीर केले आहे.

सोनाक्षीच्या भावांबद्दल काय म्हणाले शत्रुघ्न सिन्हा?

आपल्या मुलीच्या लग्नाबद्दल त्यांनी आनंद व्यक्त केला. सोनाक्षी सिन्हाचे भाऊ लग्नाला उपस्थित नव्हते. याबाबत अभिनेत्याची चौकशीही करण्यात आली. या प्रश्नाला उत्तर देताना सोनाक्षीच्या वडिलांनी सांगितले की, मी तक्रार करणार नाही. ते माणूस आहेत. ते कदाचित अजून सर्व बाजूने विचार करत नाहीत.त्यांचा गोंधळ आणि वेदनाही मला समजतात. जर मी त्याच्या वयाचा असतो तर कदाचित माझीही अशीच प्रतिक्रिया आली असती. पण इथेच तुमचा अनुभव, प्रतिभा आणि एकूण वयाचा अनुभव असतो. त्यामुळे मी त्यांच्यासारखा वागलो नाही.
वाचा: सहकलाकाराचा अपमान करायचे; अमोल पालेकर यांनी सांगितले राजेश खन्ना यांच्या तऱ्हेवाईक वागण्याचे किस्से

सोनाक्षी सिन्हा आणि झहीर इक्बाल २३ जून 2024 रोजी विवाहबंधनात अडकले होते. त्याच रात्री दोघांची रिसेप्शन पार्टी होती. सोनाक्षी सिन्हा आणि झहीर इकब्ला यांच्या लग्नाच्या रिसेप्शनला बॉलिवूडचे अनेक स्टार्स उपस्थित होते.