Shahrukh Khan: शाहरुख, अक्षय आणि अजय देवगणला लखनऊ हायकोर्टाने पाठवली नोटीस, काय आहे कारण?

पान मसाला जाहिरात या प्रकरणात केंद्र सरकारच्या वकिलांचे म्हणणे आहे की, सर्वोच्च न्यायालयातही या प्रकरणाची सुनावणी सुरू आहे. त्यामुळे ही याचिका फेटाळण्यात यावी. या प्रकरणावरील पुढील सुनावणी ९ मे २०२४ रोजी होणार आहे. न्यायमूर्ती राजेश सिंह चौहान यांच्या एकल खंडपीठाने अवमान याचिकेवर हा आदेश दिला आहे. न्यायमूर्ती राजेश सिंह चौहान यांच्या खंडपीठाने केंद्र सरकारला याचिकाकर्त्यांच्या निवेदनावर निर्णय घेण्याचे निर्देश दिले होते.
वाचा: 'तुम्हे आईने की जरुरत नही', अमृता फडणवीसांचे नवे गाणे ऐकलेत का?

पान मसाल्याचे प्रमोशन करणारे अभिनेते शाहरुख खान, अक्षय कुमार आणि अजय देवगण या तिघांनाही सिनेसृष्टीमधील कामगिरीसाठी पद्म पुरस्काराने सन्मानित करण्यात आले आहे. त्यामुळे त्यांचे हे पाऊल तरुणांसाठी योग्य नाही, असे मत याचिका दाखल करणारे वकील मोतीलाल यादव यांनी व्यक्त केले. या कलाकारांमुळे लोकांचा भ्रमनिरास होत आहे. ऑगस्ट २०२३मध्ये, हायकोर्टाने या याचिकेला प्रतिसाद न दिल्यामुळे कॅबिनेट सचिव, मुख्य आयुक्त आणि ग्राहक संरक्षण प्राधिकरण यांना अवमान नोटीस जारी करण्यात आली आहे.