Shah Rukh Khan : बाथरूममध्ये जाऊन ढसाढसा रडायचो; शाहरुख खान असं का म्हणाला? वाचा नेमकं झालं...

शाहरुख खानलाही चुकला नाही संघर्ष!

सध्या शाहरुख खान दुबईच्या दौऱ्यावर आहे. शाहरुख ग्लोबल फ्रेट समिटचा भाग होण्यासाठी येथे आला असून, या विशेष कार्यक्रमादरम्यान त्याच्याशी अनेक महत्त्वाच्या बाबींवर चर्चा करण्यात आली. यादरम्यान अभिनेत्याच्या स्टारडम आणि संघर्षाचाही उल्लेख करण्यात आला आहे, ज्यावर शाहरुख खानने आपली प्रतिक्रिया दिली आहे. 

Shah Rukh Khan News: शाहरुख खानला धमकी देणाऱ्याला अखेर पोलिसांनी केली अटक, चौकशीत उघड झाली अनेक रहस्ये

शाहरुख खान म्हणाला की, ‘मला यावर जास्त बोलायला आवडत नाही. संघर्षाच्या दिवसांत मी स्वतःला कसे हाताळले हे मला माहीत आहे. मी स्वतःला बाथरूममध्ये कोंडून रडायचो. माझ्या आयुष्यात काय चालले आहे आणि मी कोणत्या परिस्थितीतून जात आहे, हे मी बाहेर कधीच कोणाला दाखवले नाही. आयुष्यात चढ-उतार येतात, पण त्या परिस्थितीत तुम्हाला सकारात्मक राहावे लागते. तुमचा चित्रपट चालत नसेल, तर त्यात कोणतेही षडयंत्र नाही. आपण काहीतरी चुकीचे केले आहे किंवा आपली निवड योग्य नाही, हे मान्य करावे लागेल. जीवनात निराशाजनक क्षण येतात, परंतु असे काही क्षण देखील असतात जेव्हा तुम्ही फक्त शांत राहून पुढे जाण्याचा विचार करता. कारण जग तुमच्या विरोधात नाही, तुम्ही नेहमी सकारात्मक विचार केला पाहिजे.’ 

अशातच शाहरुख खानने जीवनातील अपयश आणि संघर्ष या विषयांवर आपले मत व्यक्त केले आहे. मनोरंजन विश्वाची पार्श्वभूमी नसताना देखील इंडस्ट्री गाजवणाऱ्या शाहरुखच्या स्टारडमशी कोणीही बरोबरी करू शकत नाही. 

‘या’ चित्रपटात दिसणार शाहरुख खान

गेल्या वर्षी तीन चित्रपटांतून बॉक्स ऑफिसवर खळबळ माजवणारा शाहरुख खान यंदा एकाही चित्रपटात दिसला नाही. पण पुढच्या वर्षी त्याचा ‘किंग’ हा चित्रपट प्रदर्शित होऊ शकतो, ज्यामध्ये त्याची मुलगी सुहाना खान देखील अभिनेत्रीच्या भूमिकेत दिसणार आहे.