Viral Video: शाहरुख खानने केली महाआरती; ऐश्वर्या-अभिषेक एकत्र नाचले! अंबानींच्या लग्नातला व्हिडीओ पाहिलात का?

अनंत आणि राधिकाला आशीर्वाद देण्यासाठी जामनगरला गेलेल्या प्रत्येक मोठ्या सेलिब्रिटीची झलक या डॉक्युमेंटरीमध्ये दाखवण्यात आली आहे. मात्र, ऐश्वर्या राय, अभिषेक बच्चन, आराध्या बच्चन आणि शाहरुख खान या सेलिब्रिटींनी लोकांचे लक्ष वेधून घेतले आहे.

ऐश्वर्या-अभिषेक दिसले एकत्र!

अनंत अंबानी आणि राधिका मर्चंट यांचा लग्नसोहळा मुंबईत पार पडला, तेव्हा ऐश्वर्या आणि आराध्या दोघीही बच्चन कुटुंबासोबत दिसल्या नव्हत्या. त्या दोघेही स्वतंत्रपणे या सोहळ्याला पोहोचल्या होत्या. जेव्हा हे प्रकरण सार्वजनिकरित्या चर्चेत आले, तेव्हा लोक असा अंदाज बांधू लागले की, ऐश्वर्या आणि बच्चन कुटुंबात कदाचित तेढ चालले असावेत. इतकंच काय तर, ऐश्वर्या आणि अभिषेक घटस्फोट घेणार आहेत, असे देखील बोलले जाऊ लागले. मात्र, आता अनंत आणि राधिकाच्या प्री-वेडिंग फंक्शनच्या डॉक्युमेंटरीमध्ये ऐश्वर्या आणि अभिषेक एकत्र डान्स करताना पाहून, त्यांचे चाहते खूप खूश झाले आहेत. यात ऐश्वर्या, अभिषेक आणि आराध्यासोबत ढोल-ताशांच्या तालावर डान्स करताना दिसले आहे. तर, अमिताभ बच्चन आणि जया बच्चन एकत्र बसून या सोहळ्याचा आनंद घेताना दिसत आहेत.

Pooja Bhatt : मेट्रोमध्ये तरुणाई देत होती ‘जय श्रीराम’चे नारे! व्हायरल व्हिडीओ पाहून भडकली पूजा भट्ट; म्हणाली...

शाहरुख खानने केली महाआरती

या सोहळ्यातील एका व्हिडीओमध्ये बॉलिवूडचा बादशहा म्हणजेच अभिनेता शाहरुख खान हा कार्यक्रम संपल्यानंतर महाआरती करताना दिसला आहे. यावेळी शाहरुख खान आपला धाकटा मुलगा अबराम आणि पत्नी गौरीसोबत पूजा करताना दिसला. शाहरुख खानचा लूक सगळ्यांनाच खूप आवडला आहे. त्याच्या या साध्या पण सुंदर लूकने सगळ्यांची मने जिंकून घेतली आहेत. अनंत अंबानी आणि राधिका मर्चंट यांच्या जामनगर फंक्शनचा ट्रेलर सध्या खूप व्हायरल होत आहे.