Shah Rukh Khan News: शाहरुख खानला धमकी देणाऱ्याला अखेर पोलिसांनी केली अटक, चौकशीत उघड झाली अनेक रहस्ये
Shah Rukh Khan News : ५ नोव्हेंबर रोजी मुंबईच्या वांद्रे पोलीस स्टेशनमध्ये एका फोन कॉलद्वारे शाहरुख खानला जीवे मारण्याची धमकी देण्यात आली होती,तसेच ५० लाख रुपयांची खंडणी मागितली गेली होती.
Shah Rukh Khan Death Threat Case : बॉलिवूड सुपरस्टार शाहरुख खानला धमकी देणाच्या प्रकरणात मुंबई पोलिसांनी मोठे यश मिळवले आहे. ५ नोव्हेंबर रोजी मुंबईच्या वांद्रे पोलीस स्टेशनमध्ये एका फोन कॉलद्वारे शाहरुख खानला जीवे मारण्याची धमकी देण्यात आली होती, तसेच ५० लाख रुपयांची खंडणी मागितली गेली होती. या धमकीच्या कॉलमुळे मुंबई पोलिसांना तातडीने ॲक्शन मोडमध्ये येऊन आरोपींचा शोध सुरू केला होता. तपासाअंती पोलिसांना कळले की, हा फोन छत्तीसगडमधील रायपूर येथील फैजान नावाच्या व्यक्तीकडून केला गेला होता. मुंबई पोलिसांनी तत्काळ छत्तीसगडमधून त्याला अटक केली आहे आणि चौकशी सुरू केली आहे.
आरोपीने चौकशीदरम्यान सांगितले की, त्याचा फोन २ नोव्हेंबर रोजी हरवला होता आणि त्याने त्याबद्दल जवळच्या पोलीस ठाण्यात तक्रार नोंदवली होती. मात्र, त्याच्या फोनवरून धमकी कुणी दिली हे अद्याप कळलेले नाही. त्याला या धमकीच्या कॉलबद्दल काहीही माहिती दिली नाही. यामुळे या प्रकरणात अधिक तपास सुरू आहे आणि पोलिसांनी आरोपीविरुद्ध योग्य कायदेशीर कारवाई सुरू केली आहे.
पोलिसांनी घेतली गंभीर ॲक्शन
मुंबई पोलिसांनी या प्रकरणी कलम ३०८(४) आणि ३४१(३)(४) अंतर्गत गुन्हा दाखल केला आहे. फैजान हा एक व्यावसायिक वकील असल्याचे समोर आले आहे. या धमकी देण्याच्या प्रकरणाचा तपास करण्यात पोलिसांनी अनेक तास खर्च केले आणि त्यांनी आरोपीच्या मागावर जाऊन त्याला अटक केली. या प्रकरणाची सध्या गहन चौकशी सुरू आहे, आणि पोलिसांचा अंदाज आहे की, या धमकीच्या कॉलचा संबंध काही असामान्य व्यक्तींच्या कटाशी असू शकतो.
shahrukh khan news : सलमान नंतर शाहरूख खानला जीवे मारण्याची धमकी, कोणी केला मुंबई पोलिसांना फोन?
शाहरुख खानच्या कामाबद्दल...
शाहरुख खानच्या वर्क फ्रंटबद्दल सांगायचं तर, २०२३मध्ये त्याचे चित्रपट बॉक्स ऑफिसवर मोठे यश मिळवण्यात सफल ठरले होते. मागील वर्षी 'पठान' आणि 'जवान' सारख्या दोन्ही मेगा ब्लॉकबस्टर चित्रपटांनी शाहरुखला प्रेक्षकांच्या हृदयात एक वेगळं स्थान मिळवून दिलं. याशिवाय, २०२३मध्ये आलेला 'डंकी' देखील बॉक्स ऑफिसवर २०० कोटींचा व्यवसाय करण्यात यशस्वी ठरला. शाहरुखच्या प्रत्येक चित्रपटाची चाहत्यांमध्ये एक वेगळीच क्रेझ असते, आणि त्यामुळेच त्याची चित्रपटप्रेमी लोकांमध्ये नेहमीच मोठी ओळख आहे.
२०२४मध्ये शाहरुखच्या चाहत्यांना एक उत्तम भेट मिळणार आहे. त्याच्या आगामी चित्रपट 'किंग' मध्ये तो मुलगी सुहाना खानसोबत अभिनय करताना दिसणार आहे, ज्यामुळे त्याचे चाहते आणखी उत्सुक आहेत. शाहरुखची लोकप्रियता आणि त्याच्या चित्रपटांची अपेक्षाही प्रेक्षकांना भविष्यात निरंतर आकर्षित करत राहील.
