Viral Video : सोशल मीडियावरील ‘त्या’ व्हिडीओमुळे शाहरुख-सलमानचे चाहते भिडले! नेमकं काय झालं बघाच...

व्हिडिओ शेअर करताना सलमानच्या चाहत्याने लिहिलं...

सलमान खानच्या चाहत्याने म्हणजेच सुरजीत याने हा व्हिडिओ शेअर करत लिहिले की, ‘आयफा २०२४ अवॉर्ड शो होस्ट करताना शाहरुख खानने टेलिप्रॉम्पटरचा वापर केला होता.’ आता त्याने हा व्हिडीओ आणि पोस्ट शेअर करताच शाहरुख खानच्या चाहत्यांना सुरजीतची ही गोष्ट अजिबात आवडलेली नाही. यावरूनच दोघांच्या चाहत्यांमध्ये वादाची ठिणगी पडली आणि त्यांनी दोन्ही अभिनेत्यांसह सुरजीतला देखील ट्रोल करण्यास सुरुवात केली.

Viral Video: पुरस्कार स्वीकारून करण जोहर शाहरुख खानच्या पाया पडला! ‘त्या’ व्हिडीओचा सोशल मीडियावर धुमाकूळ

शाहरुखचे चाहते काय म्हणतात?

एका युजरने सुरजीतच्या या व्हिडीओवर कमेंट करत लिहिलं की, ‘ही काही मोठी गोष्ट नाही, म्हणजे आजकाल टेलिप्रॉम्प्टर कोण वापरत नाही? ज्यांना शो होस्ट करण्याचा भरपूर अनुभव आहे ते देखील टेलिप्रॉम्प्टरचा वापर करतात.’ आणखी एका युजरने लिहिले की, ‘तुमचा सलमान खान देखील टेलिप्रॉम्प्टर वापरतो.’ तिसऱ्या एकाने लिहिलं की, ‘काय प्रॉब्लेम आहे? ३० मिनिटांच्या कार्यक्रमाची पटकथा कोणी लक्षात ठेवू शकेल असे वाटते का? हा एक अवॉर्ड शो आहे - प्रत्येक गोष्टीची एक स्क्रिप्ट असते.’ चौथ्याने लिहिले की, "हे लोक २००० पासून टेलिप्रॉम्प्टर वापरत आहेत; तुला आज कळलं का?' 

सोशल मीडियावर सध्या यावरून चांगलंच युद्ध रंगलं आहे. दोन्ही कलाकारांचे चाहते यावरून एकमेकांना चांगलंच ट्रोल करताना दिसत आहे.  यावरून दोघांच्या चाहत्यांमध्ये आता चांगलेच शाब्दिक वाद होताना दिसत आहेत. या वादाचा विषय टेलिप्रॉम्पटर असला तरी, आता चाहत्यांनी अनेक वेगवेगळे मुद्दे काढून वाद निर्माण करण्यास सुरुवात केल्याचे देखील पाहायला मिळत आहे.