Viral Video : सोशल मीडियावर ज्ञान देणाऱ्यांची सलमाननं काढली सालटी, तरुणाईला दिला मोलाचा सल्ला

सलमान खान हा त्याच्या बिनधास्त बोलांमुळे चांगलाच लोकप्रिय आहे. सलमान अनेकदा त्याला न पटणाऱ्या गोष्टींवर सडेतोड बोलणं पसंत करतो. नुकताच सलमान खान याचा एक व्हिडिओ व्हायरल होत आहे. या व्हिडिओमध्ये सलमान खान, मलायका आणि अरबाज यांचा मुलगा अरहान याच्यासोबत एका पॉडकास्टमध्ये मुलाखत देताना दिसत आहे.

कोणी धोका दिला, हे कधीच सांगू नका.. पॉडकास्टमध्ये सलमान खानने आयुष्य आणि मैत्रीवर केली 'मन की बात'

काय म्हणाला सलमान खान?

या वेळी सलमान खान म्हणतो की, ‘आजकाल कुणी उठतं आणि सोशल मीडियावार ज्ञान पाजळू लागतं. त्यामुळे तरुणाईला देखील वाटतं की हे आपल्यासाठी आहे. अरे पण हे तुमच्यासाठी आहे हे तुम्हाला कुणी सांगितलं आणि जे लोक सांगत आहेत की, हे तुमच्यासाठी आहे, त्यांनी कसं ठरवलं की हे तुमच्यासाठी योग्य आहे. कुणी येत आणि सांगतं की, तुम्ही नोकरीसाठी नाही तर उद्योग विश्वासाठी बनला आहात. अरे असं प्रत्येकासाठी नसेल ना! कुणीतरी नसेल बिझनेससाठी बनलं, कदाचित नोकरीच करणंच योग्य असेल.’

चाहत्यांनी केलं सलमान खानचं केलं कौतुक!

सलमान खान पुढे म्हणाला की, 'तुमच्यासाठी काय योग्य आहे हे दुसरं कुणी कसं ठरवू शकतं? हे जे लोक सगळं बोलतात हे बोगस आहे.' या व्हिडिओमधून सलमान खान अशा स्वयंघोषित सेल्फ मोटीव्हेशनल स्पीकर्सवर चांगलाच संतापला आहे. त्याने यातून तरुणाईचे कान देखील टोचले आहेत. सलमान खानचा हा व्हिडिओ सोशल मीडियावर तूफान व्हायरल होत आहे. तर, चाहते त्याच्या या बोलण्याचं कौतुक देखील करत आहेत.