Bigg Boss 18 : सलमानच्या 'बिग बॉस'ची वेळ बदलणार! आता किती वाजता बघता येणार हा शो? जाणून घ्या

सलमान खानचा शो 'बिग बॉस १८' सुरू झाल्यापासून सोमवार ते शुक्रवार रात्री १० वाजता टीव्हीवर प्रसारित होत आहे. मात्र,काल शोच्या वेळेत झालेल्या बदलाबाबत एक अपडेट समोर आले. १६ डिसेंबरपासून हा शो रात्री १०.३० वाजता प्रसारित होणार आहे. म्हणजेच प्रेक्षकांना आता त्यांचा आवडता 'बिग बॉस १८' पाहण्यासाठी बराच काळ वाट पाहावी लागणार आहे. 'बिग बॉस १८'च्या वेळेत बदल फक्त आठवड्याच्या दिवसांसाठी आहे. तर, 'वीकेंड का वार' फक्त शनिवार आणि रविवारी रात्री ९.३० वाजता टीव्हीवर प्रसारित केला जाईल. याशिवाय आणखी दोन टीव्ही शो 'मंगल लक्ष्मी' आणि 'मेरा बालम ठाणेदार'च्या वेळा बदलण्यात आल्या आहेत.

Bigg Boss 18: कोण आहेत बिग बॉस १८चे ‘टॉप ५’ स्पर्धक? समोर आलेली नावं वाचून बसेल मोठा धक्का!

दोन मालिकांच्या वेळाही बदलणार!

अभिनेत्री दीपिका सिंह स्टारर टीव्ही शो 'मंगल लक्ष्मी' रात्री ९ वाजता प्रसारित केला जाईल. परंतु, आता हा शो केवळ अर्धा तास नाही तर संपूर्ण तासभर तुमचे मनोरंजन करणार आहे. म्हणजेच १६ डिसेंबरपासून तुम्हाला तुमचा आवडता शो 'मंगल लक्ष्मी' सोमवार ते शुक्रवार रात्री ९ ते १० या वेळेत पाहता येणार आहे. तर 'मेरा बालम ठाणेदार' रात्री १० वाजता प्रसारित होणार आहे. या शोने 'बिग बॉस १८'ची जागा घेतली आहे.

‘वीकेंड का वार’ पुन्हा वेळेवर!

निर्मात्यांनी या टीव्ही शोच्या वेळा का बदलल्या यांचे कारण अद्याप समोर आलेले नाही. मात्र, 'बिग बॉस १८'चे चाहते यामुळे थोडे निराश होऊ शकतात. कारण आता हा शो अर्ध्या तासाच्या विलंबाने टीव्हीवर दाखवण्यात येईल.'बिग बॉस १८'मध्ये यापूर्वी देखील बदल झाले आहेत. यादरम्यान, 'वीकेंड का वार' शुक्रवारी रात्री १० वाजता आणि शनिवारी रात्री ९ वाजता दाखवला गेला होता. मात्र, आता बिग बॉस पुन्हा जुन्या वेळेवर आला आहे.