सलमान खानच्या नावाने सुरू आहे घोटाळा; नेमकं काय घडतंय जाणून घ्या, नाहीतर तुम्हीही फसाल!

फसवणूक करणारे नेहमीच संधीच्या शोधात असतात. सलमान खान आणि शाहरुख खान सारख्या सुपरस्टार्सच्या नावावर अनेक घोटाळे झाले आहेत, पण आता एक नवीन प्रकरण समोर आले आहे ज्यामध्ये बॉलिवूडच्या भाईजानच्या चाहत्यांना त्यांच्या शोची तिकिटे विकण्याच्या नावाखाली लुटले जात आहे. सलमान खान अनेकदा परदेशात आपले शो करत असतो आणि याचाच फायदा घेत काही स्कॅमर्सनी त्याच्या चाहत्यांची फसवणूक करण्यास सुरुवात केली आहे. सलमान खानच्या मॅनेजरने एक पोस्ट टाकून लोकांना याबाबत सतर्क केले आहे.