Saif Ali Khan : त्याच्याकडे चाकू होता याची कल्पनाच नव्हती! सैफ अली खानने पहिल्यांदाच सांगितली त्या रात्रीची कहाणी

सैफ अली खानने टीओआयशी बोलताना सांगितले की, करीना डिनरसाठी बाहेर गेली होती आणि तो घरीच थांबला होता. कररीना परत आल्यावर काही वेळ गप्पा मारून दोघे झोपी गेले. थोड्या वेळाने घरातील मदतनीस घाईघाईत आली आणि म्हणाली की, ‘कोणीतरी घरात शिरले आहे.’ जेहच्या खोलीत एक माणूस आहे, ज्याच्याकडे चाकू आहे आणि तो पैशांची मागणी करत आहे. सैफ म्हणाला की, त्याला वेळ नक्की आठवत नसेल, पण तेव्हा रात्रीचे २ वाजले होते. सैफ अली खानने सांगितले की, जेव्हा तो जेहच्या रूममध्ये गेला तेव्हा त्याच्या समोरचं दृश्य थक्क करणारं होतं.

सैफ अली खानच्या शरीरात अडकलेल्या चाकुच्या तुकड्याचा फोटो आला समोर ! डॉक्टर म्हणाले...

नेमकं काय घडलं?

सैफ म्हणाला, ‘मी घाबरून आत बघायला गेलो आणि मला जेहच्या पलंगावर एक माणूस दिसला, ज्याच्या हातात दोन काठ्या होत्या (ज्या मला काठ्या वाटत होत्या). त्या काठ्या खरंतर एक्साॅ ब्लेड होत्या. त्याच्या दोन्ही हातात चाकू आणि चेहऱ्यावर मास्क होता. हे दृश्य भयानक होते. मग मला काहीतरी झालं आणि मी जाऊन त्याला सरळ पकडलं. मी धावत जाऊन त्याला खाली पाडले, मग आमच्यात हाणामारी झाली. तो माझ्यावर शक्य तितक्या जोरात वार करत होता, मग जोराचा आवाज आला आणि...’

मी प्रार्थना करत होतो की…

जेव्हा सैफ अली खानला विचारण्यात आले की, त्या हल्लेखोराकडे चाकू आहे, हे त्याच्या लक्षात आले नाही का? त्यावर अभिनेत्याने 'नाही' असे उत्तर दिले. ‘शॉक आणि अॅड्रेनालाईनमुळे मला जास्त वेदना जाणवल्या नाहीत. मग तो माझ्या मानेवर मारत राहिला आणि मी माझ्या हाताने त्याला थांबवण्याचा प्रयत्न करत होतो. माझ्या तळहातावर, मनगटावर आणि हातावर चाकूच्या जखमा झाल्या आहेत. जोरदार हाणामारी झाली. तो दोन्ही हातांनी वार करत होता’, असे सैफ म्हणाला. सैफ अली खानने सांगितले की, काही वेळानंतर तो शरीफुलला रोखू शकला नाही. कारण एकाच वेळी त्याच्या हातात दोन चाकू होते आणि तो कुर्ता-पायजमा घालून अनवाणी पायाने होता. या माणसाला कोणीतरी माझ्यापासून दूर करेल, एवढीच प्रार्थना मी त्यावेळी करत होतो.