Amitabh Bachchan Stepson: तर सचिन तेंडुलकर अमिताभ बच्चनचा सावत्र मुलगा असता? काय आहे प्रकरण जाणून घ्या

२००० साली प्रदर्शित झालेला ‘मोहब्बतें’ हा चित्रपट तुफान हिट ठरला होता. या चित्रपटातील प्रत्येक पात्राने प्रेक्षकांची मने जिंकली होती. या चित्रपटात अमिताभ बच्चन यांनी गुरुकुलच्या मुख्यध्यापकांच्या भूमिकेला न्याय दिला. चित्रपटातील अमिताभ यांच्या भूमिकेचे नाव नारायण शंकर असे होते. मीडिया रिपोर्ट्सनुसार, या चित्रपटात अमिताभ बच्चन यांच्या सावत्र मुलाच्या भूमिकेसाठी सचिन तेंडुलकर यांना साईन करण्यात आले होते. पण नंतर स्क्रिप्टमधून बिग बी यांच्या सावत्र मुलाची भूमिका काढून टाकण्यात आली. आदित्य चोप्रा यांनी चित्रपटात अमिताभ बच्चन यांच्यासोबत अभिनेत्री श्रीदेवी यांना देखील विचारणा केली होती. बिग बी आणि श्रीदेवी यांची प्रेमकथा ‘मोहब्बतें’मध्ये दाखवण्यात येणार होती. पण श्रीदेवी यांनी भूमिकेसाठी नकार दिला. त्यानंतर याच भूमिकेसाठी अभिनेत्री माधुरी दीक्षितला विचारण्यात आले होते.
वाचा: IND vs NZ सेमी फायनलचा भाईजानला बसला फटका, सलमान खानचे मोठे नुकसान!

‘मोहब्बतें’ हा चित्रपट प्रदर्शित होऊन २३ वर्षे उलटली आहेत. मात्र आजही या चित्रपटाची क्रेझ प्रेक्षकांमध्ये पाहायला मिळते. आदित्य चोप्राच्या या चित्रपटानू अनेक कलाकारांनी बॉलिवूडमध्ये पदार्पण केले होते. या चित्रपटामुळे उदय चोप्रा, जुगल हंसराज, झिम्मी शेरगिल, शमिता शेट्टी, किस शर्मा, प्रिती झंगियानी यांच्यासोबत अनेक कलाकारांच्या करियरला एक नवी दिशा मिळाली. चित्रपटातील ऐश्वर्या रायच्या भूमिकेने तर सर्वांचे लक्ष वेधले होते.