ते म्हणतायत तुम्ही गेलात…; कधीकाळी करत रतन टाटा यांना डेट करणाऱ्या अभिनेत्रीला शोक अनावर!

रतन टाटा यांच्या वैयक्तिक आयुष्याबद्दल बोलायचे झाले, तर एक काळ असा होता जेव्हा ते बॉलिवूड अभिनेत्री सिमी ग्रेवालला डेट करत होते. सिमी ग्रेवालने एका जुन्या मुलाखतीत रतन टाटांसोबत रिलेशनशिपमध्ये असल्याची कबुली दिली होती. आता रतन टाटा यांच्या निधनानंतर त्यांची आठवण काढत सिमीने रतन टाटांसोबतचा आपला एक जुना फोटो शेअर केला आहे. या फोटोच्या कॅप्शनमध्ये त्यांनी लिहिलं की, ‘ते म्हणतायत तुम्ही गेलात... तुमच्या जाण्याचं दु:ख सहन करणं कठीण आहे... खूप अवघड... अलविदा, मित्रा.’

टाटांच्या निधनाने देश हळहळला! राज्यात एक दिवसाचा शोक! राष्ट्रपती मुर्मू, पंतप्रधान मोदी ते अनेकांनी वाहिली श्रद्धांजली

पाहा पोस्ट :

२०११ मध्ये एका मुलाखतीत सिमीने रतन टाटा यांचं एका शब्दात वर्णन करताना त्यांना ‘परफेक्शन’ म्हटलं होतं. याचवेळी सिमी ग्रेवाल यांनी आपण कधीकाळी रतन टाटांसोबत रिलेशनशिपमध्ये होतो, याची कबुली दिली होती. याविषयी सांगताना सिमी म्हणाल्या की, ‘रतन आणि माझं नातं खूप जुनं आहे. रतन टाटा म्हणजे परफेक्शन आहेत. त्यांच्याकडे विनोदबुद्धी आहे, ते अतिशय विनम्र व्यक्ती आहेत आणि आदर्श गृहस्थ आहेत. पैसा हा त्यांच्यासाठी कधीच प्रेरक शक्ती राहिलेला नाही. ते परदेशात जितके रिलॅक्स होते, तितके ते भारतात नव्हते. मात्र, त्यांनी सगळ्यांसाठी खूप काही केलंय.’

इथे घेता येणार रतन टाटांचं अंत्यदर्शन

आज म्हणजेच गुरुवारी (१० ऑक्टोबर) रतन टाटा यांचे पार्थिव अंत्यदर्शनासाठी आणि श्रद्धांजली वाहण्यासाठी एनसीपीएमध्ये ठेवण्यात येणार आहे. रतन टाटा यांचा जन्म २८ डिसेंबर १९३७ रोजी मुंबईत झाला होता. त्यांच्या आईचे नाव सुनू टाटा होते आणि ते नौशेरवानजींचे पुत्र होते. रतन टाटा १० वर्षांचे असताना त्यांच्या आई-वडिलांचा घटस्फोट झाला होता.