Ranbir Kapoor: रणवीर सिंहसमोरच रणबीर कपूरने केली होती दीपिकाच्या होणाऱ्या बाळासाठी प्रार्थना! म्हणाला…

‘कॉफी विथ करण सीझन ५’ या रिअ‍ॅलिटी शोमध्ये रणवीर सिंह आणि रणबीर कपूर एकत्र आले होते. हे दोन्ही कलाकार अद्याप पडद्यावर एकत्र दिसले नसले, तरी करण जोहरच्या शोमध्ये हे दोघे एकत्र आले होते, तेव्हा त्यांच्यात अनेक मुद्द्यांवर चर्चा झाली होती. शोमध्ये करण जोहरने रणबीर कपूर आणि रणवीर सिंह यांच्यात दीपिका पादुकोणसोबतच्या नात्यामुळं काही वाद आहेत का, असा प्रश्न विचारला होता. ज्याला रणबीर कपूरने दिलेलं उत्तर त्याच्या चाहत्यांना आवडलं होतं.

Deepika Padukone Baby: रणवीर सिंग आणि दीपिका पादूकोणच्या घरी नव्या पाहुणीचे आगमन

ते दोघे एकमेकांसाठी परिपूर्ण!

रणबीर कपूर म्हणाला होता की, प्रत्येकजण सकारात्मकपणे पुढे गेला आहे आणि मला वाटते की कॉफी विथ करणनेही आता पुढे जावं. रणबीर कपूर म्हणाला की, परस्पर तणाव खूप आधीच संपला आहे आणि आता तो प्रश्न देखील निरर्थक आहे. रणबीर आणि दीपिका यांच्यात जे काही आहे, त्यावरून मी कधीच प्रभावित झालो नाही, असेही रणवीर सिंगने म्हटले आहे. या मुलाखतीत रणबीर कपूरने रणवीर सिंह आणि दीपिका पादुकोणच्या जोडीचे कौतुक करत दोघेही एकमेकांसाठी पूर्णपणे असल्याचे म्हटले होते. तसेच, त्यांच्या होणाऱ्या बाळालाही त्यांचं खूप कौतुक वाटेल, असे रणबीर म्हणाला होता.

चाहते सुचवतायत नावे!

दीपिका-रणवीर आणि त्यांच्या मुलाबद्दल रणबीर कपूर म्हणाला की, ‘रणवीर आणि दीपिका एकमेकांसाठी पूर्णपणे योग्य आहेत आणि मी प्रार्थना करेन की त्यांचे नाते असेच फुलावे. माझी मुलंही त्यांच्या कामाची फॅन व्हावीत आणि आई-वडिलांना आपला आवडता अभिनेता मानावं, अशी ही प्रार्थना करतो’, असं रणबीर कपूर म्हणाला. रणवीर सिंह आणि दीपिका पादुकोणच्या मुलीला चाहत्यांनी सोशल मीडियावर वेगवेगळी नावे दिली आहेत. या यादीमध्ये त्यांनी रविका आणि दीपी अशी नावे सुचवली आहेत.