Pushpa 2 : रिलीजपूर्वीच ‘पुष्पा २’ने केला मोठा विक्रम, अल्लू अर्जुनचा चित्रपट वर्षातील सर्वात मोठा ओपनर ठरणार?

'पुष्पा २'च्या ट्रेलरने मोडले विक्रम!

'पुष्पा २'च्या ट्रेलरने रिलीज होताच एक मोठा विक्रम केला आहे. ट्रेलरला २४ तासांत यूट्यूबवर १०२ दशलक्ष व्ह्यूज मिळाले आहेत. या चित्रपटाचा ट्रेलर १०० दशलक्ष व्ह्यूचा टप्पा ओलांडणारा तिसरा भारतीय चित्रपट ट्रेलर ठरला आहे, जे खरोखरच कौतुकास्पद आहे. हिंदी ट्रेलरला सर्व भाषांमध्ये सर्वाधिक व्ह्यूज मिळाले आहे. २४ तासांत याला ४९ दशलक्ष व्ह्यूज मिळाले, त्यामुळे हा एक मोठा रेकॉर्ड बनला आहे. त्यानंतर ४४ दशलक्ष व्ह्यूजसह तेलुगू ट्रेलरचा दुसरा क्रमांक लागतो. तर, या चित्रपटाच्या तमिळ ट्रेलरला ५.२ दशलक्ष व्ह्यूज मिळाले. ‘पुष्पा २’च्या कन्नड आणि मल्याळम ट्रेलरला १.९ दशलक्ष व्ह्यूज मिळाले.

Pushpa 2 : चपला-बाटल्या फेकल्या, टॉवरवर चढून बसले लोक! अल्लू आणि रश्मिकाला पाहण्यासाठी चाहत्यांनी काय केलं बघाच...

कधी प्रदर्शित होणार चित्रपट?

‘पुष्पा २ : द रूल’ हा चित्रपट ५ डिसेंबरला थिएटरमध्ये प्रदर्शित होणार आहे. विशेष म्हणजे या दरम्यान कोणतीही सुट्टी नाही. असे असूनही, चित्रपटाच्या सोलो रिलीज, प्रीमियम तिकीट आणि आयमॅक्स रिलीजमुळे, तो कमाईचे सर्व रेकॉर्ड मोडू शकतो. या चित्रपटाचे हिंदीतील ओपनिंग कलेक्शन अंदाजे ५५-६० कोटी इतके होईल असे म्हटले जात आहे.

चित्रपट पहिल्या दिवशी पार करेल १५० कोटींचा टप्पा!

दुसरीकडे, तेलुगूमध्ये हा चित्रपट ७०-८० कोटींची कमाई करेल आणि हा आकडा ८० कोटींपर्यंत जाण्याची शक्यता आहे. तमिळ, कन्नड आणि मल्याळममध्ये १२ ते १५ कोटी रुपयांची कमाई अपेक्षित आहे. त्यामुळे पहिल्याच दिवशी हा चित्रपट जवळपास १५० कोटी रुपयांची कमाई करू शकतो, असे म्हटले जात आहे.

'पुष्पा २: द रुल'चे दिग्दर्शन सुकुमार यांनी केले आहे. याआधी 'पुष्पा २: द रुल' १५ ऑगस्टला रिलीज होणार होता, पण त्याच्या निर्मात्यांनी चित्रपटाची तारीख ६ डिसेंबरपर्यंत पुढे ढकलली होती. मात्र, आता हा चित्रपट ५ डिसेंबरला चित्रपटगृहांमध्ये प्रदर्शित होणार आहे. याआधी जर तुम्ही ‘पुष्पा भाग १’ बघण्याचा विचार करत असाल, तर ओटीटी प्लॅटफॉर्म प्राईम व्हिडिओवर पाहता येणार आहे.