Pushpa 2 BO Collection : बॉक्स ऑफिसवर घोंगावतंय ‘पुष्पा २’चं वादळ! दुसऱ्या दिवशीच्या कमाईचे आकडे बघून लागेल शॉक
अल्लू अर्जुनचा 'पुष्पा २ द रूल' हा चित्रपट बॉक्स ऑफिसवर धुमाकूळ घालत आहे. हा चित्रपट केवळ भारतातच नाही तर जगभरात जबरदस्त कमाई करत आहे. दुसऱ्या दिवसाचा वर्ल्डवाइड बॉक्स ऑफिस रिपोर्टही आला आहे.
Pushpa 2 Day 2 Collection Worldwide : अभिनेता अल्लू अर्जुन आणि अभिनेत्री रश्मिका मंदाना यांच्या 'पुष्पा २: द रुल'ने रिलीज होताच अनेक सुपरस्टार्सच्या चित्रपटांचे बॉक्स ऑफिस रेकॉर्ड तोडले आहेत. आता अल्लू अर्जुनच्या मास एंटरटेनर चित्रपटाने दुसऱ्या दिवशीही जागतिक विक्रम मोडले आहेत. पहिल्याच दिवशी सर्व रेकॉर्ड मोडून आतापर्यंतचा सर्वात मोठा भारतीय सलामीवीर ठरला असून, या चित्रपटाने दोन दिवसांत जगभरात ४०० कोटींचा टप्पा ओलांडला आहे. सुकुमार दिग्दर्शित तेलुगू ॲक्शन ड्रामा हा २०२१ मध्ये रिलीज झालेल्या 'पुष्पा: द राइज'चा सिक्वेल आहे. पुष्पा राजची जादू केवळ भारतातच नाही तर परदेशातही पाहायला मिळत आहे.
पुष्पाने दुसऱ्या दिवशी जगभरात केली ‘इतक्या’ कोटींची कमाई
अल्लू अर्जुनच्या 'पुष्पा २: द रुल'ने बॉक्स ऑफिसवर आपली दमदार कामगिरी सुरू ठेवली आहे. सर्व भाषांमध्ये १७४.९ कोटींहून अधिक कमाई केल्यानंतर, या चित्रपटाने दुसऱ्या दिवशी आपली मजबूत धाव सुरू ठेवली आहे. भारतात ९०.०१ कोटींची कमाई केली. Sacnilk.com च्या रिपोर्टनुसार, दोन दिवसात २६५ कोटींच्या मोठ्या कलेक्शनसह, 'पुष्पा २' ने अधिकृतपणे जगभरात ४०० कोटी कलेक्शनचा टप्पा ओलांडला आहे. अल्लू अर्जुनच्या पुष्पा राजच्या व्यक्तिरेखेवर लोकांचे किती प्रेम आहे हे या जबरदस्त कलेक्शनमधून दिसून येते.
Rashmika Mandanna: 'मी आज जे काही ते अल्लू अर्जुन आणि रणबीर कपूरमुळे', रश्मिका मंदाना असे का म्हणाली
कोणत्या भाषेत अधिक प्रेक्षक?
या चित्रपटाची ऑक्युपेन्सी टक्केवारी खूप चांगली राहिली आहे. तेलुगूमध्ये या चित्रपटाची एकूण ऑक्युपेन्सी ५३ टक्के आहे. हिंदीत हे प्रमाण ५१.६५ टक्के होते. तमिळ भाषा ३८.५२ टक्के, कन्नड ३५.९७ टक्के, मल्याळम २७.३० टक्के आहे. हिंदी आयसीईची ऑक्युपेन्सी दुसऱ्या दिवशी ४९.५० टक्के आणि थ्रीडीमध्ये १०० टक्के होती.
‘पुष्पा २’ हा सुकुमार दिग्दर्शित तेलुगू चित्रपट आहे. तमिळ, कन्नड, हिंदी, मल्याळम, बंगाली भाषेतही हा चित्रपट प्रदर्शित झाला आहे. या चित्रपटाची कथा पुष्पा राज या लाल चंदन तस्कराची असून आता सिंडिकेटवर त्याचे पूर्ण नियंत्रण आहे. मात्र, याच दरम्यान समोर एक पोलीस आहे ज्याचे नाव भंवर सिंह शेखावत आहे. हा चित्रपट २०२१मध्ये आलेल्या ‘पुष्पा : द राइज’ या चित्रपटाचा सिक्वल आहे. पहिल्या दिवशी, 'पुष्पा २' ने राजामौलींच्या ‘RRR’ला मागे टाकत भारतीय बॉक्स ऑफिसवर पहिले स्थान पटकावले आहे. अल्लू अर्जुनच्या चित्रपटाने 'बाहुबली २' आणि ‘केजीएफ २’सारख्या ब्लॉकबस्टरला मागे सोडले आणि गेल्या वर्षी प्रदर्शित झालेल्या शाहरुख खानच्या 'जवान'ला मागे टाकून सर्वात मोठा हिंदी रिलीज बनला.
संबंधित बातम्या