Premachi Goshta: सागर आणि मुक्ताचा रोमान्स पाहून सावनीचा जळफळाट, 'प्रेमाची गोष्ट'मध्ये आज काय होणार?
Premachi Goshta Update: 'प्रेमाची गोष्ट' मालिकेत सध्या वेगळे वळण आले आहे. सावनी आदित्यला घेऊन सागरच्या घरी राहायला आली आहे. तिथेही सतत काही ना काही करताना दिसत आहे.
'प्रेमाची गोष्ट' मालिकेत मुक्ता आणि सावनी या दोघीही सागरच्या बायका आहेत. सावनीला सागरने घटस्फोट दिला असला तरी आदित्यसोबत सध्या ती सागरच्या घरात राहात आहे. सावनीकडे पैसेच नाहीत त्यामुळे ती सागरकडे राहात आहे. पण तरीही सावनी सुधारत नाही. ती सतत काही ना काही करत असते. आता सागर आणि मुक्ताचा रोमॅन्स पाहून सावनीचा जळफळाट झाला आहे. वाचा आजच्या भागात काय होणार...
आदित्यने केला बेड खराब
रात्री आदित्य खूप घाबरतो. त्याला सतत भीती वाटते की मुक्ता त्याला घरातून बाहेर काढेल. मुक्ता आदित्यची ही अवस्था पाहाते. ती आदित्यला जवळ घेते आणि सागरसोबत झोपायला सांगते. आदित्य देखील शांत होतो आणि झोपतो. रात्रीच्या तणावामुळे आदित्य रात्री झोपेत बेडवर सू करतो. सकाळी उठल्यावर ते पाहून तो घाबरतो. त्याला सुचत नाही काय करावे. आता हे पाहिल्यावर मुक्ता त्याला घरातून बाहेर काढणार असे वाटू लागते. त्यामुळे तो आणखीच घाबरतो.
मुक्ताने आदित्यला पाहिले बेडशीट धुनाताना
कोणाला कळू नये म्हणून आदित्य बेडवरची बेडशीट काढतो आणि ती धुण्यासाठी बाथरुममध्ये जातो. तसेच बेडवर पावडर टाकून सर्वकाही स्वच्छ करतो. मुक्ता आदित्यला उठवायला खोलीत येते. तेव्हा तिला बाथरुम मधून आवाज येतो. ती आदित्यला विचारते तेव्हा आदित्य तिच्यावर चिडतो. शेवटी मुक्ता आदित्यला बाथरुमचे दार उघडायला लावते. तिला दिसते की आदित्य बेडशीट धूत असतो. मुक्ताला ते पाहून काळजी वाटू लागते. आदित्य खूप तणावात असल्याचे तिला जाणवते.
वाचा: जॉन अब्राहमनं घेतली ऑलिम्पिक पदक विजेत्या मनू भाकर हिची भेट! फोटो पाहून नेटकरी संतापले, काय आहे कारण?