पाकिस्तानी अभिनेता फवाद खानचा चित्रपट 'अबीर गुलाल' च्या प्रदर्शनावर सरकारकडून बंदी
फवाद खान आणि वाणी कपूर यांच्या अबीर गुलाल चित्रपटाच्या टीमसाठी एक वाईट बातमी समोर आली आहे. माहिती आणि प्रसारण मंत्रालयाच्या सूत्रांनी दिलेल्या माहितीनुसार, हा चित्रपट भारतात प्रदर्शित होणार नाही.
पाकिस्तानी अभिनेता फवाद खान आणि भारतीय अभिनेत्री वाणी कपूर यांच्या 'अबीर गुलाल' या चित्रपटाला अडचणींचा सामना करावा लागला आहे. पहलगाममध्ये झालेल्या दहशतवादी हल्ल्यानंतर या चित्रपटावर बंदी घालण्याची मागणी होत होती आणि आता माहिती आणि प्रसारण मंत्रालयाच्या सूत्रांनी दिलेल्या माहितीनुसार अबीर गुलाल हा चित्रपट भारतात प्रदर्शित होणार नाही.
काय म्हणाला फवाद -
पहलगामवरील हल्ल्याबाबत फवादने सोशल मीडियावर लिहिले की, 'पहलगाममधील हल्ल्याची बातमी ऐकून खूप दु:ख झाले. या घटनेतील पीडितांसोबत आमच्या संवेदना आहेत. या कठीण काळात त्यांनी आपल्या कुटुंबियांना बळ देवो, अशी आमची प्रार्थना आहे.
वाणी कपूरही व्यक्त केले दु:ख-
वाणीने म्हटले की, पहलगाममध्ये निरपराध लोकांवर झालेला हल्ला पाहिल्यापासून मला धक्का बसला आहे. माझ्याकडे शब्द नाहीत. मी तुटले आहे. माझी प्रार्थना त्यांच्या कुटुंबियांसोबत आहे.
जम्मू-काश्मीरच्या पहलगाम मध्ये झालेल्या दहशतवादी हल्ल्यात 26 जणांचा मृत्यू झाला असून १७ जण जखमी झाले आहेत. यानंतर संपूर्ण देशात पाकिस्तानविरोधात संतापाची लाट उसळली आहे. सिंधू पाणी करार रोखण्यासाठी सरकारने कडक पावले उचलली असून एसव्हीईएसअंतर्गत पाकिस्तानला देण्यात येणारा व्हिसा रद्द केला आहे.
आरती एस दिग्दर्शित 'अबीर गुलाल' हा चित्रपट ९ मे रोजी प्रदर्शित होणार होता. इतकंच नाही तर फवाद या चित्रपटाच्या माध्यमातून ९ वर्षांनंतर बॉलिवूडमध्ये पुनरागमन करणार होता.
संबंधित बातम्या