Natasha Stankovic: हार्दिक पांड्यासोबत घटस्फोटाच्या ४ महिन्यानंतर नताशाचं मोठं विधान, म्हणाली 'मी आणि हार्दिक...'
Natasha Stankovic News: नताशा काही काळासाठी सर्बियाला गेली होती, त्यानंतर सोशल मीडियावर ती अगस्त्यासोबत सर्बियाला शिफ्ट होणार असल्याची चर्चा सुरू झाली होती.
Hardik Pandya's Ex Wife: भारतीय क्रिकेटपटू हार्दिक पांड्या आणि नतासा स्टॅनकोविक यांनी जुलै 2024 मध्ये घटस्फोटाची घोषणा केली. त्यांचे चार वर्षांचे नाते संपुष्टात आले. या जोडप्याला अगस्त्य नावाचा मुलगाही आहे. नताशा काही काळासाठी सर्बियाला गेली होती, त्यानंतर सोशल मीडियावर ती अगस्त्यासोबत सर्बियाला शिफ्ट होणार असल्याची चर्चा सुरू झाली होती. तथापि, असे नाही आणि अभिनेत्री याबद्दल बोलली.
नताशा स्टॅनकोविक आपल्या मुलासह सर्बियाला शिफ्ट झालीय का?
नताशा स्टॅनकोविकने ETimes शी केलेल्या संभाषणात सांगितले, “मी परत जाईन अशी शहरात चर्चा आहे. पण मी कसं जाणार? मला एक मूल आहे. ते मूल इथे शाळेत जाते. त्यामुळे परत जाण्याची कोणतीही संधी नाही आणि माझ्या मुलाला येथे राहण्याची आवश्यकता आहे. कारण तो इथला आहे. इथे त्याचे कुटुंब आहे.
नताशा पुढे म्हणाली, 'हार्दिक आणि मी अजूनही कुटुंब आहोत. आम्हाला एक मूल आहे आणि ते मूल नेहमीच आमचे कुटुंब जोडून ठेवते. अगस्त्याला त्याच्या आई-वडिलांसोबत राहावे लागते. जवळपास 10 वर्षे झाली आहेत आणि मी दरवर्षी याच वेळी सर्बियाला जाते. नताशाला विचारण्यात आले की, ती आणि हार्दिक मिळून अगस्त्याला वाढवतील का? यावर अभिनेत्री म्हणाली, हो. "आम्ही सह-पालकत्व करत आहोत."
लोकांना फक्त अफवा पसरविणे माहित आहे...
हार्दिक पांड्यासोबत घटस्फोट घेतल्यानंतर नताशा स्टॅनकोविचला तिच्या खाजगी आयुष्याबाबत चर्चा करायची नाही. याबाबत बोलताना अभिनेत्री म्हणाली की, “तिला खाजगी राहायला आवडते, तिच्याकडे लपवण्यासारखे काही आहे म्हणून नाही तर खाजगी आयुष्य खाजगी असले पाहिजे म्हणून.
लोकांच्या वक्तव्यांवर अभिनेत्री म्हणाली, यावेळी लोक मला ओळखत नाहीत आणि त्यांनी मला ओळखावे अशी माझी इच्छाही नाही. लोकांना फक्त गोष्टी कशा बनवायच्या आणि अफवा कशी पसरवायची हे माहित आहे. लोक माझी बाजू घेतील अशी मी अपेक्षा करू शकत नाही. मला साधे जीवन जगायचे आहे. लोक काय विचार करतात याने मला काही फरक पडत नाही. मी सध्या स्वतःशी एकनिष्ठ आणि शांत आहे.” असं म्हणत अभिनेत्रीने आपल्या भावना व्यक्त केल्या आहेत.
