Meera Rajput: मीराने दीर ईशानच्या लगावली कानशिलात, शाहिद कपूरने पाहिलं अन्...

मीराने तिच्या इन्स्टाग्राम अकाऊंटवर पती आणि दीरासोबतचा व्हिडीओ शेअर केला आहे. या व्हिडीओमध्ये ते अभिनेता आमिर खानचा चित्रपट 'दिल चाहता है'मधील आयकॉनिक सीन रिक्रिएट करताना दिसत आहेत. चित्रपटातील या सीनमध्ये सैफ अली खानला आमिर खान एक पुरुष होण्याचा सल्ला देतो. तसेच गर्लफ्रेंड समोर खंभीरपणे उभे राहण्यास सांगतो. हा सीन मीरा, शाहिद आणि ईशानने रिक्रिएट केला आहे.

दरम्यान, मीरा मजेशीर अंदाजात ईशानच्या कानशिलात लगावली आहे. ते पाहून शाहिद चकीत होतो. त्यानंतर तिघांनाही हसू अनावर होते. हा व्हिडीओ शाहिदने शेअर करत, 'दिल क्या चाहता है?' असे म्हटले आहे. सध्या सोशल मीडियावर त्यांचा हा व्हिडीओ तुफान व्हायरल झाला आहे. हा व्हिडीओ पाहून अनेकांनी कमेंट केल्या आहेत.

अभिनेत्री क्रिती सेनॉनने या व्हिडीओवर कमेंट करत, 'क्रॅक' असे म्हटले आहे. तर काहींनी मीराच्या अभिनय कौशल्याची तारीफ केली आहे. दोन्ही भाऊ अभिनेते असूनही मीराचा अभिनय पाहण्यासारखा आहे अशी कमेंट एका यूजरने केली आहे.