Malaika Arora : इन लव्ह की ब्रेकअप? अखेर मलायका अरोरानं सांगूनच टाकलं तिचं रिलेशनशिप स्टेटस!

मलायकाने इंस्टाग्राम स्टोरीवर एक पोस्ट पुन्हा रीपोस्ट केली आहे, ज्यामध्ये लिहिले आहे की, ‘या क्षणी माझी स्थिती’.यामध्ये खाली तीन पर्याय दिले आहेत, जे असे आहेत, ‘इन रिलेशनशिप, सिंगल आणि हिहीही.’पण शेवटचा पर्याय ज्यामध्ये मलायकाने स्थिती हसण्यासारखी असल्याचे म्हटले आहे, त्याच पर्यायावर हायलाइट करण्यात आले आहे. मलायकाने ही पोस्ट रीपोस्ट केली आहे. परंतु, अजूनही तिने ब्रेकअप झालेय तर आता सिंगल आणि पुन्हा मिंगल हे स्पष्ट केलेले नाही.

Malaika Arora : अर्जुन कपूरशी ब्रेकअपनंतर मलायका अरोराने घेतला मोठा निर्णय! खोचक पोस्ट शेअर करत म्हणाली...

दिवाळी पार्टीत झाली ब्रेकअपची पुष्टी

मलायका अरोरा आणि अर्जुन कपूर यांच्यातील नातं संपुष्टात आल्याची चर्चा बऱ्याच दिवसांपासून सुरू होती. मात्र, दोघांनीही याबाबत कोणतीही अधिकृत प्रतिक्रिया दिली नव्हती. गेल्या महिन्यात ‘सिंघम अगेन’च्या प्रमोशनदरम्यान या चित्रपटातील स्टार्सनी एका दिवाळी पार्टीला हजेरी लावली होती. यादरम्यान अर्जुनसमोर मलायकाच्या नावाने घोषणाबाजी सुरू झाली. त्याला सतत हेच विचारले जात होते की, ‘मलायका अरोरा कुठे आहे?’ त्यानंतर पापाराझींशी बोलताना अर्जुन कपूर म्हणाला होता की, ‘मी आता सिंगल आहे, सगळ्यांनी रीलॅक्स करा.’ त्याच्या या वक्तव्याला अनेकांनी अधिकृत रित्या ब्रेकअपची घोषणा असल्याचे म्हटले आहे.

२०१८मध्ये झाली नात्याला सुरुवात

मलायका अरोरा आणि अर्जुन कपूर यांनी २०१८मध्ये एकमेकांना डेट करायला सुरुवात केली होती. काही काळाने मलायकाने एक फोटो शेअर करून त्यांच्या नात्याची पुष्टी केली होती. पार्ट्या आणि व्हेकेशन्समध्ये दोघेही अनेकदा एकत्र दिसले होते. तथापि, नंतर त्यांच्या ब्रेकअपच्या बातम्या येऊ लागल्या, ज्याची पुष्टी खुद्द अर्जुन कपूरने गेल्या महिन्यात केली होती.