Maharashtrachi Hasya Jatra: 'महाराष्ट्राची हास्यजत्रा'मध्ये ओंकार भोजनेची पुन्हा एण्ट्री

अगं अगं आई.. खास शैलीतले हे शब्द आपल्या कानावर पडता क्षणी ओंकार भोजने डोळ्यांसमोर उभा राहतो. पुन्हा एकदा तोच आवाज.. तेच पात्र आपल्याला 'महाराष्ट्राची हास्यजत्रा' या कार्यक्रमामध्ये पाहायला मिळणार आहे म्हटलं तर... होय होय, अगदी खरं... जे ऐकलं ते अगदी खरंय... सोनी मराठीवरील 'महाराष्ट्राची हास्यजत्रा' हा मंच पुन्हा एकदा विनोदाच्या आतशबाजीने दणाणून सोडायला ओंकार भोजने पुन्हा एकदा या मंचावर पाहता येणार आहे.
वाचा: ‘धकधक गर्ल’ माधुरी दीक्षित निवडणूक रिंगणात? 'या' पक्षाकडून लढणार असल्याची चर्चा

ओंकारने उडवून दिलेले हास्याचे बार बऱ्याच काळानंतर पुन्हा एकदा पाहाता येणार आहेत. ओंकार 'महाराष्ट्राच्या हास्यजत्रेत एका खास निमित्ताने येतोय. येत्या शनिवारी, १८ नोव्हेंबर आणि रविवारी १९ नोव्हेंबर या दोन्ही भागांमध्ये ओंकार दिसणार आहे. त्यामुळे प्रेक्षकांमध्ये आगामी भागाची उत्सुकता पाहायला मिळते.