Asha Bhosle : ९१व्या वर्षी लाईव्ह परफॉर्मन्स, स्टेजवर 'तौबा तौबा'ची हूकस्टेपही केली! आशा भोसलेंचा व्हिडिओ व्हायरल

आशा भोसले यांनी 'तौबा तौबा'वर केला डान्स!

दुबईतील एका इव्हेंटमधील आशा भोसले यांचा एक डान्स व्हिडिओ व्हायरल होत आहे, ज्यामध्ये त्या पांढऱ्या रंगाची साडी परिधान केलेल्या दिसत आहे. या वयातही आशा भोसले यांच्या डान्स मूव्ह्स पाहून सर्वजण त्यांची प्रशंसा करत आहेत. यावेळी त्यांनी स्टेजवर आनंद तिवारी यांच्या 'बॅड न्यूज' या कॉमेडी चित्रपटातील करण औजलाचे 'तौबा तौबा' हे गाणेही गायले आहे. एवढेच नाही तर, त्यांनी चित्रपटातील विकी कौशलने केलेली कठीण सिग्नेचर स्टेपही रिक्रिएट केली. त्यांचा हा धमाकेदार परफॉर्मन्स पाहून लाईव्ह प्रेक्षक तर दंग झालेच, पण सोशल मीडियावरही आता सगळीकडे त्यांचीच हवा पाहायला मिळत आहे.

फ्लॉप अभिनेता म्हणत अमिताभ बच्चन यांना 'या' चित्रपटातून काढून टाकले! मग असे घडले की...

करण औजला बनला आशा भोसलेंचा चाहता!

गायक करण औजलाने आशा भोसले यांच्यासाठी त्याच्या इंस्टाग्राम स्टोरीजवर एक नोट लिहिली. यात तो म्हणाला, ‘@asha.bhosle ज्या, संगीताची देवी आहे, त्यांनी तौबा तौबा गायलं… एका छोट्याशा गावात वाढलेल्या मुलाने लिहिलेले गाणे, ज्याच्या कुटुंबाचा संगीताशी कोणताही संबंध नाही. तसेच त्याला वाद्य यंत्राचे ज्ञानही नाही. या गाण्याला चाहत्यांचेच नव्हे, तर संगीत कलाकारांचेही भरभरून प्रेम मिळाले आहे. पण हा क्षण मी कधीही विसरणार नाही. तुम्ही माझे गाणे अशा प्रकारे सादर केल्याबद्दल मी कृतज्ञ आहे.’

आशा भोसले यांचे कौतुक!

गायकाने इंस्टा स्टोरीवर स्टेजवर 'तौबा तौबा' गाणाऱ्या आशा भोसले यांची रीलही शेअर केली. त्यासोबत त्यांनी लिहिले की, 'मी हे वयाच्या २७ व्या वर्षी लिहिले आहे. वयाच्या ९१व्या वर्षी त्यांनी माझ्यापेक्षा चांगले गायले. @asha.bhosle आणि मस्त डान्सही केला'. आशा भोसले यांनी रविवारी दुबईत सोनू निगमसोबतच्या मैफिलीत 'तौबा तौबा'वर परफॉर्मन्स सादर केला.