Lalita Pawar: शेवटच्या दिवसांत अत्यंत वाईट होती ललिता पवारांची अवस्था, तीन दिवस बंगल्यात मृत अवस्थेत पडलेल्या अभिनेत्री

शूटिंगदरम्यान अपघात-

ललिता पवार यांनी वयाच्या अवघ्या ९ व्या वर्षी आपल्या अभिनय कारकिर्दीला सुरुवात केली होती. त्यांनी हिंदी-मराठी क्षेत्रात अनेक हिट चित्रपट दिले आहेत. पण एका अपघाताने अभिनेत्रीच्या करिअरला ब्रेक लागला. वास्तविक, 'जंग-ए-आझादी' चित्रपटाच्या एका दृश्यात त्यांचे सहकलाकार भगवान दादाने त्यांना कानाखाली मारली होती. मात्र, शूटिंगदरम्यान भगवान दादांनी ललिता यांना इतक्या जोरात कानाखाली मारली की त्यांच्या कानातून रक्त वाहू लागले. त्यामुळे त्याच्या उजव्या डोळ्यातील मज्जातंतू फुटली आणि परिणामी त्याच्या चेहऱ्याची एक बाजू अर्धांगवायू झाली आणि त्यांचा डोळा बारीक दिसू लागला.

अपघातानंतरही डगमगल्या नाहीत ललिता पवार-

या अपघातानंतर सुमारे ३ वर्षांनी त्या बऱ्या झाल्या. पण त्यांचा चेहरा पूर्णपणे बदलला होता. त्यामुळे ललिता पवार यांना मुख्य भूमिका मिळणे बंद झाले. मात्र, त्यांनी हार मानली नाही आणि सहाय्यक अभिनेत्री म्हणून जबरदस्त पुनरागमन केले. ललिता यांनी अनेक उत्कृष्ट नकारात्मक भूमिका साकारल्या आहेत. ज्यामुळे त्यांना रामानंद सागर यांच्या 'रामायण'मध्ये 'मंथरा' ही प्रतिष्ठित भूमिका मिळाली आणि आजही त्या मंथरा म्हणून ओळखल्या जातात.

'सासरचं धोतर' सिनेमामुळे दादा कोंडके यांचे पुतण्यासोबत झाले होते वाद, वाचा काय आहे प्रकरण?

ललिता यांचं दोनदा झालं लग्न -

ललिता पवार यांनी १९३० च्या मध्यात चित्रपट निर्माता गणपतराव यांच्याशी विवाह केला. मात्र, आपल्या सख्ख्या बहिणीसोबतच पतीचे विवाहबाह्य संबंधांमुळे त्यांनी पतीपासून घटस्फोट घेतला. यानंतर त्यांनी राजकुमार गुप्तासोबत दुसरे लग्न केले. ते व्यवसायाने चित्रपट निर्माताही होते. या लग्नापासून त्यांना जय पवार हा मुलगा आहे, जो एक उत्तम निर्माता आहे.

ललिता पवारांचे शेवटचे दिवस-

ललिता यांनी व्यावसायिकदृष्ट्या अनेक गोष्टी साध्य केल्या असताना, त्यांच्या खाजगी आयुष्यात मात्र नैराश्य होते. याच कारणामुळे त्या शेवटच्या दिवसात एकट्या होत्या. दुसऱ्या लग्नानंतर काही वर्षांनी त्यांना तोंडाचा कॅन्सर झाल्याचे निदान झाले, त्यानंतर त्या पुण्याला शिफ्ट झाल्या होत्या. दरम्यान २४ फेब्रुवारी १९९८ मध्ये जेव्हा ललिता पवार यांनी त्यांच्या पुण्यातील घरी अखेरचा श्वास घेतला. मात्र, त्यांचा मुलगा जय याने फोन केला असता त्यांचा मृत्यू झाल्याचे त्यांच्या कुटुंबीयांना समजले. अभिनेत्रीचे कुटुंबीय तेथे पोहोचले तोपर्यंत त्यांचा मृत्यू होऊन ३ दिवस झाले होते.