सूर्याच्या प्रेमासाठी तुळजा उतरली पाण्यात! कसा शूट झाला ‘लाखात एक आमचा दादा’चा प्रपोज सीन? वाचा...

या मालिकेच्या प्रोपोजलचा प्रोमो पाहून सगळ्यांचीच उत्सुकता वाढली आहे. हा सीन पाहण्यासाठी तुळजा म्हणजेच दिशा परदेशीही उत्सुक आहे. कारण, तिने पहिल्यांदाच असा सीन शूट केला आहे. आपली उत्सुकता व्यक्त करताना आणि हा सीन कसा शूट केला हे सांगताना दिशा म्हणाली की, ‘तुळजाचा प्रपोजल सीन खूप युनिक आहे. मी माझ्या आयुष्यात पहिल्यांदा असं काही अनुभवतेय. आम्ही नदीत शूट केलंय आणि त्यावेळी नदीला बऱ्यापैकी प्रवाह होता. मला पाण्यात उडी मारायची होती, पाणी खूप थंड होत आणि हा सीन सर्वांसाठी महत्वाचा होता. वेळ घेऊन आणि प्रत्येक गोष्टीची काळजी घेऊनच सीन शूट होत होता. मी हा अद्वितीय अनुभव कधीच विसरू नाही शकणार.’

त्याने मला नको तिथे स्पर्श करायला सुरुवात केली; ‘आई कुठे काय करते’मधील अभिनेत्रीसोबत ट्रेनमध्ये घडला विचित्र प्रकार

कसा शूट झाला सीन?

तुळजा म्हणजेच दिशा परदेशी या सीनबद्दल बोलताना म्हणाली की, ‘मालिकेसाठी मी साडी नेसले होते. पाण्यात उडी मारताना मला साडी आणि मेकअप दोन्ही सांभाळायचा होतं. यासोबतच एक्सप्रेशन देऊन डायलॉग्स ही बोलायचे होते. सगळं एकत्र मॅनेज करून निभावणं मला प्रचंड वेगळा अनुभव देऊन गेलं. शूट करत असताना नितीश आणि माझ्या पायाला मोठ-मोठे दगड टोचत होते. पण, आम्ही हा सीन पूर्ण केला. जवळपास ५-६ तास तो सीन सुरू होता आणि तितका वेळ आम्ही पाण्यात होतो. आम्हीच नाही, तर पूर्ण टीमने ही तितकीच मेहनत केली आणि थोडं दुखणं, खुपणं झालं पण आम्ही खूप मज्जा ही केली.’

आता खूप भारी वाटतंय!

या मालिकेचा प्रोमो जेव्हा पहिला, तेव्हा खूप भारी वाटलं. कारण, तेव्हा माहीत नव्हतं की, प्रेक्षकांना कसं वाटेल, त्यांना आवडेल की, नाही. खूप विचार केला गेला होता की, तुळजा कशी सूर्याला प्रोपोज करेल. खूप चर्चेनंतर हा सीन फायनल झाला. पण आता लोकांचा प्रतिसाद पाहून सर्वांच्या मेहनतीचं चीज झालंय असं वाटतंय. प्रेक्षकही उत्सुक होते की, कधी तुळजा आणि सूर्याची प्रेम कहाणी सुरू होतेय.’