Ketki Chitale: 'मेरा अब्दुल ऐसा नही', श्रद्धा वालकर प्रकरणावर केतकी चितळेची पोस्ट

केतकीने तिच्या फेसबुक अकाऊंटवर एक पोस्ट लिहिली आहे. या पोस्टमध्ये तिने, 'मेरा अब्दुल ऐसा नहीं बरोबर आहे. कारण आप मेलं, जग बुडालं. पण ३५ तुकडे होताना, गळा दाबला जाताना तरी कुठे तरी पश्चात्ताप होत असेल ना? कुटुंबियांची आता काय मानसिक स्थिती असेल याचा तर विचार केल्यास अंगावर काटा येतोय. मुलींनो, तुम्ही शेवटचा श्वास घेताना डोळे उघडून पुन्हा (या वेळी कायमचे) मिटणार आहात? का आता तरी निद्रा मोडणार आहात?' असे म्हटले आहे. या पोस्टमध्ये तिने जागो_मेरे_देश हा हॅशटॅग देखील वापरला आहे.
वाचा: 'डेक्सटर' सीरिज नेमकी काय आहे? ही पाहून आफताबने केली मैत्रिणीची हत्या

श्रद्धा मुळची महाराष्ट्रातील पालघर जिल्ह्यातील होती. मुलीच्या शोधासाठी तिचे वडील पालघर येथूनदिल्लीत आले. ते श्रद्धाच्या फ्लॅटवर पोहोचले तेव्हा त्याला कुलूप होते. त्यांनी मुलगी हरवल्याची तक्रार पोलीस ठाण्यात दाखल करून मुलीच्या नात्याबाबत पोलिसांना सांगितले आणि बेपत्ता होण्यामागे आफताबचा हात असावा असा संशय व्यक्त केला. तक्रारीच्या आधारे पोलिसांनी आफताबचा शोध सुरू केला आणि त्याचा शोध घेऊन त्याला अटक केली.चौकशीत आफताबने आपला गुन्हा मान्य केला. त्याने सांगितले की, श्रद्धा त्याच्यावर लग्नासाठी दबाव आणत होती आणि त्यावरून दोघांमध्ये भांडणे होत होती. पोलिसांनी त्याला अटक केली असून न्यायालयाने आरोपीला ५ दिवसांची पोलीस कोठडी सुनावली आहे.