KBC 16: तीन महिन्यांचा उपवास करून स्पर्धक हॉटसीटवर आला अन् २५ लाखांच्या प्रश्नावर अडकला! तुम्हाला माहितीय का उत्तर?

पंजाबमधील श्रीम शर्मा यांनी हॉट सीटवर येईपर्यंतचा त्यांचा प्रवास कसा होता, हे सगळ्यांना सांगितले. यादरम्यान त्यांनी अमिताभ बच्चन यांना सांगितले की, त्यांची आई केबीसीची मोठी चाहती आहे. हॉट सीटवर येण्याचे तिचे स्वप्न होते आणि आज तिचे हे स्वप्न पूर्ण झाले आहे. यावेळी श्रीम शर्मा यांची आई खूप भावूक झाली. केबीसीच्या पहिल्या फेरीसाठी आपली निवड झाल्याचा फोन आल्यावर आपण १०८ दिवस उपवास ठेवल्याचेही त्याने सांगितले. श्रीम शर्मा यांनी असेही सांगितले की, या दिवसांत ते आवश्यक तेवढीच फळे खात होतेत. केबीसीच्या सेटवर येईपर्यंत त्यांनी ९६ दिवस अन्नाचा एक दाणाही खाल्ला नाही. श्रीम यांनी अमिताभ बच्चन यांच्यासमोर बसून उपवास सोडण्याची शपथ घेतली, जी त्यांनी रसमलाई खाऊन पूर्ण केली.

Kaun Banega Crorepati 15: १ कोटीच्या 'या' प्रश्नाचं उत्तर देऊ शकला नाही आठ वर्षांचा विराट, तुम्ही देऊ शकाल का?

१२ प्रश्नांची दिली अचूक उत्तरे!

श्रीम शर्मा यांनी आपल्या खेळाचे शानदार प्रदर्शन केले आणि १२ प्रश्नांची अचूक उत्तरे दिली. मात्र, या काळात त्यांनी सगळ्या लाईफलाईन वापरल्या. श्रीम शर्मा यांनी केवळ १२ लाख ५० हजार रुपये जिंकले आणि आईचे स्वप्न पूर्ण केले. पण ते १३व्या प्रश्नाचे उत्तर देऊ शकले नाहीत. श्रीम शर्मा यांनी आपले ज्ञान चांगले दाखवून चांगला खेळ केला. मात्र, तेराव्या प्रश्नाचे उत्तर देण्यात ते अपयशी ठरले.

काय होता २५ लाखांचा प्रश्न?

प्रश्न: रवींद्रनाथ टागोर यांच्या शताब्दी समारंभात खालीलपैकी कोणत्या ठिकाणाचे नाव बदलून एका दिवसासाठी टागोर स्क्वेअर असे करण्यात आले?

उत्तरासाठी पर्याय:

ए) रेड स्क्वेअर, मॉस्को

बी) टाइम्स स्क्वेअर, न्यूयॉर्क

सी) ट्रॅफलगर स्क्वेअर, लंडन

डी) सेंट पीटर स्क्वेअर, व्हॅटिकन

या प्रश्नाचे योग्य उत्तर 'बी' पर्याय म्हणजे टाइम्स स्क्वेअर, न्यूयॉर्क हे होते.