तेलुगू समाजावर वादग्रस्त वक्तव्य करणारी अभिनेत्री कस्तुरी शंकरला अटक, वाचा नेमकं काय आहे प्रकरण?
कस्तुरी शंकर यांनी तेलगू समुदायावर केलेल्या वादग्रस्त वक्तव्यांमुळे त्यांच्यावर मोठ्या प्रमाणात टीका झाली होती. तिच्यावर अनेक गुन्हे दाखल करण्यात आले होते.
इंडियन आणि अन्नमय्या सारख्या चित्रपटांमधील भूमिकांसाठी प्रसिद्ध असलेली अभिनेत्री कस्तुरी शंकरला अटक करण्यात आली आहे. न्यूज 18 तेलुगूने शनिवारी संध्याकाळी या वृत्ताला दुजोरा दिला. काही दिवसांपूर्वी हिंदू मक्कल काचीच्या बैठकीत तेलगू समुदायाच्या वंशाविषयी आक्षेपार्ह वक्तव्य केल्याने मोठा वाद निर्माण झाला होता. आता या अभिनेत्रीला या वक्तव्यसाठी अटक करण्यात आली आहे.
कस्तुरीला अटक
हैदराबादमधील गाचीबावली येथून अभिनेत्रीला चेन्नई पोलिसांनी अटक केल्याची माहिती समोर आली आहे. आता तिला पुन्हा चेन्नईला नेण्यात आले आहे. गेल्या काही दिवसांपासून ती लपून बसल्यानंतर पोलिस चेन्नई आणि तामिळनाडूमध्ये अभिनेत्रीचा शोध घेत होते. अभिनेत्रीचा फोनही बंद होता आणि तिच्याशी संपर्क होऊ शकला नाही, असेही वृत्त आहे.
काय आहेत नेमके आरोप?
कस्तुरी यांनी तामिळनाडूतील तेलुगू समुदायाचा वंश राजांची सेवा करणाऱ्या दरबारी लोकांचा असल्याचे सांगितले. या वक्तव्यामुळे अनेकजण संतप्त झाले असून, अभिनेत्रीने समाजाचा आणि वारशाचा अनादर केल्याचा आरोप करण्यात आला आहे. ब्राह्मण अत्याचाराविरोधात आयोजित मेळाव्यात द्रमुक या राजकीय पक्षाविषयी बोलताना तिने हे वक्तव्य केले होते.
काय म्हणाली होती निवेदनात
कस्तुरी यांनी त्यांच्या वक्तव्यावर तीव्र प्रतिक्रिया उमटल्यानंतर जाहीर माफी मागितली आणि गेल्या आठवड्यात एक निवेदन जारी केले. या निवेदनात लिहिण्यात आले आहे की, "माझ्या तेलुगू विस्तारित कुटुंबाला दुखावण्याचा माझा हेतू कधीच नव्हता. कोणत्याही वाईट भावनेबद्दल मला खेद आहे. मी माझ्या भाषणातील तेलुगूचे सर्व संदर्भ मागे घेते या वादामुळे 'अधिक महत्त्वाच्या मुद्द्यांवरून लक्ष विचलित झाले आहे."
वाचा: आम्ही कधी बोललोच नाही; ९०च्या दशकात श्रीदेवीला टक्कर देण्याबाबत माधुरी दीक्षितने दिली प्रतिक्रिया
कोण आहे कस्तुरी
कस्तुरीने 1991 मध्ये 'आथा उन कोयिलिले' या चित्रपटातून पदार्पण केल्यापासून तमिळ, तेलुगू, मल्याळम आणि कन्नड चित्रपटांमध्ये काम केले आहे. अलीकडेच तेलुगू चित्रपट सिम्बा आणि तेलुगू टीव्ही शो सीथे रामुडिकी कटनाममध्ये ती दिसली होती.
