Kashi Odh : ‘बिग बॉस मराठी’ फेम अभिनेता छोट्या पडद्यावर परतला; ‘कशी ओढ’ गाण्यातून प्रेक्षकांच्या भेटीला!

गाण्याची गायनकार गायिका जाई देशमुख असून, या गाण्याला सुप्रसिद्ध संगीतकार अमेय मुळे यांनी संगीतबद्ध केलं आहे. गीतकार अंबरीष अरुण देशपांडे यांच्या काव्याचं गाण्यात रुपांतर झालं असून, त्यांनी पूर्वी १५हून अधिक चित्रपटांसाठी गीत लेखन केले आहे. हे गाणं, ‘कशी ओढ’, प्रेमाच्या गोड वळणावर आधारित असून त्यात एक वेगळा आणि मधुर संदेश दिला जातो. गाण्याची संगीतमालिका आणि त्याच्या रचनात्मकतेत प्रेक्षकांना एक आगळी-वेगळी अनुभूती मिळते.

शाळेतील निरागस प्रेम आणि त्याच्या भावना!

‘कशी ओढ’ गाण्याचे दिग्दर्शन अमोल तुमणे यांनी केलं आहे. या गाण्याची निर्मिती देखील जाई देशमुख यांनी केली आहे. जाई देशमुख सांगतात, ‘ही माझ्या संगीत जीवनातील पहिली पाऊल आहे.‘पॅनोरमा म्युझिक’ सारख्या प्रतिष्ठित लेबलसह काम करणं माझ्यासाठी एक स्वप्नवत अनुभव होता. संगीताच्या या प्रचंड श्रवणीय प्रकल्पाचा भाग बनून मला खूप शिकायला मिळालं. शाळेतील निरागस प्रेम आणि त्याच्या भावना या गाण्यातून सुंदरपणे व्यक्त करण्याचा प्रयत्न आम्ही केला आहे. मला विश्वास आहे की गाणं प्रेक्षकांच्या मनात स्थान मिळवेल.’

दिव्या भारती खिडकीत पाय सोडून बसायची, भीतीही वाटत नव्हती! मग पडली कशी? ‘या’ अभिनेत्रीने केला मोठा खुलासा

आदिश वैद्य म्हणतो की...

अभिनेता आदिश वैद्य या गाण्यात प्रमुख भूमिका निभावत असून, त्याने याबद्दल बोलताना सांगितलं की, ‘मला या गाण्याची विचारणा केली, तेव्हा मी लगेच होकार दिला. गाण्याच्या चित्रीकरणावेळी थोडं टेन्शन आलं, पण जाई देशमुख यांच्यासोबत मिळून एका टेकमध्येच शूट पूर्ण झालं. सेटवर खूप मजा केली आणि गाण्याच्या निर्मिती प्रक्रियेमध्ये एक वेगळा अनुभव मिळाला. सोशल मीडियावर गाण्याला मिळालेला प्रतिसाद खूप उत्साहवर्धक आहे, आणि मी प्रेक्षकांचे मनापासून आभार व्यक्त करतो.”

'कशी ओढ' गाणं प्रेमाच्या गोड प्रवासात एक नवा अध्याय उलगडत आहे, आणि हे गाणं प्रेमकथेतील एक असामान्य गोडवा दर्शवते.या गाण्यामुळे संगीताच्या नवा प्रवाहाची सुरुवात झाली आहे. जाई देशमुख आणि आदिश वैद्य यांच्या मधुर अभिनयाने गाण्याची गोडी आणखी वाढवली आहे.