एका किसिंग सीनसाठी ३७ रिटेक, जाणूनबुजून माझा फायदा घेतला! कार्तिक आर्यननं अभिनेत्रीचं नावही सांगितलं

हा संपूर्ण किस्सा २०१४ मध्ये प्रदर्शित झालेल्या कांची: द अनब्रेकेबल या चित्रपटाच्या शूटींगदरम्यान घडला.सुभाष घई दिग्दर्शित या चित्रपटात कार्तिक आर्यनने लव्हर बॉयची भूमिका साकारली होती. या चित्रपटात तिच्यासोबत मिष्टी चक्रवर्ती होती. या चित्रपटात एक किसिंग सीनदेखील होता, ज्यामुळे कार्तिक आर्यन खूप अस्वस्थ झाला होता, असे त्याने एका मुलाखतीत म्हटले आहे.

फिल्मफेअरने दिलेल्या मुलाखतीदरम्यान कार्तिक आर्यनला जेव्हा या किसिंग सीनबद्दल प्रश्न विचारण्यात आला, त्यावेळी कार्तिक आर्यन लाजला आणि म्हणाला की, 'कदाचित मिष्टी त्यावेळी जाणूनबुजून चुका करत असेल.' सुभाषजींना चांगला किसिंग सीन हवा होता. किस कसे घ्यावे, हे च कळत नव्हते. मी त्यांना विचारणारच होतो, 'सर, प्लीज मला किस कसे करतात ते दाखवा.' असेही तो म्हणाला.

कार्तिक पुढे म्हणाला की, 'किसिंग सीन माझ्यासाठी डोकेदुखी ठरेल, असे मला कधीच वाटले नव्हते. त्यावेळी आम्ही प्रेमीयुगुलांसारखे वागत होतो. सुभाषजींनी ओके म्हटल्यावर आम्हाला खूप आनंद झाला. कार्तिक आर्यनने 'कांची: द अनब्रेकेबल' मध्ये केलेले हे पहिले ऑनस्क्रीन किस नव्हते. कार्तिकने त्याच्या पहिल्याच चित्रपटात रोमँटिक सीनही केला होता.

कार्तिक आर्यन नोव्हेंबर २०२४ मध्ये प्रदर्शित झालेल्या 'भूल भुलैया ३' या त्याच्या हॉरर- कॉमेडी चित्रपटाच्या यशाचा आनंद घेत आहे, ज्याने जगभरात ४१७ कोटींहून अधिक कमाई केली आहे. भूल भुलैया ३ हा चित्रपट २०१४ मध्ये सर्वाधिक कमाई करणारा पाचवा भारतीय चित्रपट आहे. सध्या कार्तिक मुंबईतील अंधेरी येथे दोन नवीन मालमत्ता खरेदी करण्याचा विचार करत आहे. मिड-डेच्या वृत्तानुसार, कार्तिक आर्यन निर्माता आनंद पंडित यांच्या मदतीने जागा शोधत आहे. त्याच्याकडे आधीपासूनच मुंबईत अनेक निवासी आणि व्यावसायिक मालमत्ता आहेत, ज्यात जुहूमधील दोन अपार्टमेंट, वर्सोव्यातील एक आणि अंधेरीतील एक अपार्टमेंट यांचा समावेश आहे. त्यापैकी एक साडेचार लाख रुपये दरमहा भाड्याने दिले आहे. हे अपस्केल क्षेत्र सेलिब्रिटींच्या निवासस्थानासाठी ओळखले जाते.