छप्परफाड कमाई करणाऱ्या ‘क्रू’ चित्रपटासाठी करीना कपूर आणि इतर कलाकारांना किती पैसे मिळाले? वाचा...

करीना कपूर खानने आकारली मोठी फी!

मीडिया रिपोर्ट्सनुसार बॉलिवूड अभिनेत्री करीना कपूर-खान हिने 'क्रू' या चित्रपटासाठी सर्वाधिक फी आकारली आहे. अभिनेत्रीला 'क्रू' चित्रपटासाठी तब्बल १० कोटी रुपयांची मोठी रक्कम देण्यात आली आहे, जी तिच्या आधी रिलीज झालेल्या 'लाल सिंह चड्ढा' चित्रपटातील मानधनापेक्षा जास्त आहे. 'लाल सिंह चड्ढा' या चित्रपटासाठी करीना कपूर-खानला ८ कोटी रुपये मिळाले होते.

कधीकाळी टेलिफोन बूथवर काम करणारा कपिल शर्मा आज कमावतोय कोट्यवधी! वाचा त्याच्या प्रवासाबद्दल...

क्रिती आणि तब्बूने घेतले इतके कोटी?

त्याचबरोबर क्रिती आणि तब्बू यांना 'क्रू' चित्रपटासाठी ३ ते ४ कोटी रुपये देण्यात आले आहेत. क्रितीला तिचा शेवटचा थिएटर रिलीज चित्रपट 'तेरी बातों में ऐसा उल्झा जिया' साठी ५ ते ५ कोटी रुपये फी मिळाली होती. तर, तब्बूने तिच्या आधीच्या थिएटर रिलीजसाठी म्हणजेच 'भोला' चित्रपटासाठी ४ कोटी रुपये मानधन घेतले होते.

स्वतःच्याच वाढदिवसाचा केक कापत नाही अजय देवगण; तुम्ही ऐकलंत का कारण?

दिलजीत आणि कपिलनेही ‘इतके’ पैसे घेतले!

याशिवाय या चित्रपटात दिलजीत दोसांझ आणि कपिल शर्मा यांनी स्पोर्टिंग लीड ॲक्टर्सची भूमिका साकारली आहे. या चित्रपटासाठी दिलजीत दोसांझ याला ३ कोटी रुपये देण्यात आले आहेत. तर, कपिल शर्माला या चित्रपटासाठी ५० लाख रुपये देण्यात आले आहेत. या चित्रपटातील कलाकारांच्या मानधनाचे हे सर्व आकडे केवळ मीडिया रिपोर्ट्सवर आधारित आहेत. प्रत्यक्षात यात काही तफावत देखील असून शकते. या सगळ्या दरम्यान 'क्रू' या चित्रपटाने बॉक्स ऑफिसवर चांगली कमाई केली आहे. अवघ्या चार दिवसांत या चित्रपटाने ३४ कोटींची कमाई केली आहे. बॉक्स ऑफिसवर या चित्रपटाला टक्कर देण्यासाठी अनेक चित्रपट आले आहेत. मात्र, तरीही 'क्रू' चित्रपट चांगली कमाई करत आहे. या चित्रपटाला प्रेक्षकांचा उदंड प्रतिसाद मिळत आहे.