Lok Sabha Result 2024: निकालापूर्वीच 'या' खानने केले पंतप्रधान मोदी आणि भाजपचं अभिनंदन, पोस्ट व्हायरल
Lok Sabha Result 2024: बॉलिवूडमधील एका खान अभिनेत्याने लोकसभा निवडणुकीपूर्वीचा पंतप्रधान नरेंद्र मोदी आणि अमित शाह यांचे अभिनंदन केले आहे. आता हा अभिनेता कोण आहे? असा प्रश्न सर्वांना पडला आहे.
लोकसभा निवडणूक २०२४ ची मतमोजणी आज सकाळी ८ वाजल्यापासून सुरू झाली आहे. यासाठी निवडणूक आयोगातर्फे सर्व तयारी पूर्ण करण्यात आली आहे. सत्तेची चावी कुणाच्या हाती? कोण जिंकणार, कोण हरणार? याचा फैसला आज होणार आहे. महाराष्ट्रासह देशातील अनेक राज्यांमध्ये अनेक मतदारसंघात ही अगदी अस्मितेची लढाई झाली आहे. अशातच बॉलिवूडमधील एका अभिनेत्याने निकालापूर्वीच थेट पंतप्रधान नरेंद्र मोदी आणि अमित शाह यांचे अभिनंदन केले आहे.
कोण आहे हा अभिनेता?
कोणीही विचारले नसताना स्वत:चे मत मांडणारा आणि चित्रपट समीक्षक म्हणवणारा अभिनेता म्हणजे कमाल राशिद खान. बॉलिवूड अभिनेता कमाल राशिद खानने सोशल मीडियावर पोस्ट शेअर करत पंतप्रधान मोदी, केंद्रीय गृहमंत्री अमित शाह आणि भाजपचे अभिनंदन केले आहे. देशात एनडीए विरुद्ध इंडिया अशी लढत सुरु आहे. त्यात एक्झिट पोलेच्या आकडेवारीनुसार देशात एनडीएचे सरकार पुन्हा येण्याची शक्यता वर्तवली जात आहे.
वाचा: सहा अभिनेत्रींसोबत स्वप्नील जोशी करतोय रोमॅन्स, नेमकी काय आहे भानगड जाणून घ्या ?
काय म्हणाला कमाल राशिद खान?
कमाल राशिद खानने सोशल मीडियावर पोस्ट शेअर केली आहे. त्याने 'पंतप्रधान नरेंद्र मोदी आणि अमित शाह हे सलग तिसऱ्यांदा विजयी झाल्याबद्दल त्यांचे अभिनंदन. पंतप्रधान नरेंद्र मोदी यांच्या नेतृत्वामध्ये भारत कायमच पुढे जात राहिल. भाजप ३०० ते ३५० जागा जिंकणार. त्यामध्ये कोणीही काहीही करु शकत नाही' या आशयाची पोस्ट केली आहे.
वाचा: मल्लिकाजान पुन्हा येणार प्रेक्षकांच्या भेटीला, नेटफ्लिक्सने केली 'हिरामंडी २'ची घोषणा
कमाल आर खान झाला ट्रोल
सोशल मीडियावर कमाल खानचे ट्वीट तुफान व्हायरल झाले आहे. एका यूजरने 'याच्याकडे कुणीही लक्ष देत नसले तरी हा बोलत असतो' अशी कमेंट केली आहे. सोशल मीडियावर कमाल आर खानला ट्रोलिंगचा सामना करावा लागत आहे. त्यानंतर त्यानंतर त्याने पुन्हा एक पोस्ट केली आहे. 'जेव्हापासून मी भाजप जिंकल्याचे ट्वीट केले आहे, तेव्हापासून अनेकजण मला ट्रोल करत असल्याचे पाहायला मिळत आहे. माझ्या ट्विटमुळे लोक दुखावली असतील. पण हेच सत्य आहे की पंतप्रधान मोदी तिसऱ्यांदा पंतप्रधान होतील' असे त्याने म्हटले आहे.
वाचा: सलमान खानशी लग्न करायला फार्म हाऊसमध्ये शिरली २४ वर्षांची तरुणी! पुढं काय झालं पाहा!
संबंधित बातम्या