Jaya Bachchan : जया बच्चन यांना कधी हसताना पाहिलंय का? 'हे' फोटो पाहून नेटकरीही झाले अवाक्!

पहिल्यांदाच जया बच्चन हसताना दिसल्या!

सोमवारी सकाळी एका पापाराझी इन्स्टाग्राम हँडलने लग्नाच्या रिसेप्शनला हजेरी लावतानाचे बच्चन कुटुंबाचे फोटो शेअर केले आहेत. यावेळी अमिताभ बच्चन यांनी सॅटिन ब्लॅक कुर्ता पायजामासोबतच काळ्या शेरवानी परिधान केला होता. या लूकमध्ये ते एकदम डॅशिंग दिसत होते. अभिषेकने या रिसेप्शनसाठी पांढऱ्या रंगाचा कुर्ता-पायजमा निवडला होता. गुलाबी आणि केशरी रंगाच्या साडीत जया बच्चनही खूप सुंदर दिसत होत्या. त्यांच्यासोबतच राजेश, त्यांची पत्नी, मुलगा रिकीन यादव आणि त्याची नवीन सून सुरभी हे देखील दिसले. यावेळी फोटो पोज देताना बच्चन दाम्पत्य कॅमेऱ्यासमोर हसताना दिसले.

Neetu Singh: जया बच्चन पापाराझींशी असे का वागतात? रणबीर कपूरच्या आईने केली पोलखोल!

नेटकरी झाले अवाक्!

अमिताभ बच्चन आणि जया बच्चन यांचे हे फोटो पाहून एका इन्स्टाग्राम युजरने कमेंट सेक्शनमध्ये म्हटले आहे की, ‘बापरे जया बच्चन हसत आहेत’. आणखी एका इन्स्टाग्राम वापरकर्त्याने कमेंट सेक्शनमध्ये ज्येष्ठ अभिनेत्री ते राजकारणी बनलेल्या जया यांच्या कार्यक्रमांमध्ये पापाराझींशी झालेल्या वादावादीचा उल्लेख केला आहे. तर, दुसरीकडे काही लोक, ‘अभिषेकची पत्नी ऐश्वर्या राय कुठे आहे’, असा प्रश्न एका युजरने विचारला आहे. गेल्या आठवड्यात अभिनेत्री आपली मुलगी आराध्या बच्चनसोबत ख्रिसमस आणि नवीन वर्षाच्या सुट्टीसाठी मुंबईतून बाहेर गेली आहे. ऐश्वर्या, अभिषेक आणि अमिताभ हे बच्चन कुटुंबं नुकतेच आराध्याच्या शाळेच्या वार्षिक कार्यक्रमात स्टेज परफॉर्मन्सदरम्यान तिचा उत्साह वाढवण्यासाठी एकत्र आलेले दिसले होते.

अमिताभ बच्चन हे वयाच्या या टप्प्यावर देखील मनोरंजन विश्वात सक्रिय आहेत. अमिताभ लवकरच रिभू दासगुप्ता यांच्या कोर्टरूम ड्रामा ‘सेक्शन ८४’मध्ये दिसणार आहेत. अभिषेक रेमो डिसूझाची डान्स फिल्म ‘बी हॅपी’, तरुण मनसुखानीचा कॉमेडी चित्रपट ‘हाऊसफुल ५’ आणि सिद्धार्थ आनंदच्या क्राइम थ्रिलर ‘किंग’मध्ये मुख्य खलनायकाच्या भूमिकेत दिसणार आहेत. दरम्यान, जया बच्चन सध्या विकास बहलच्या रोमँटिक कॉमेडी 'दिल का दरवाजा खोल ना डार्लिंग'चे चित्रीकरण करत आहे.