Tamannaah Bhatia: तमन्ना भाटिया आणि विजय वर्मा करणार लग्न? शोधत आहेत मुंबईत एकत्र राहण्यासाठी घर

काय म्हणाली तमन्ना?

तमन्ना भाटियाला विजय वर्मासोबतच्या लग्नाच्या बातमीबद्दल विचारणा करण्यात आली होती. तेव्हा तमन्ना म्हणाली की ती सध्या तिच्या आयुष्यात आनंदी आहे. तमन्ना भाटीने नुकताच हिंदुस्तान टाइम्सशी संवाद साधला. त्यावेळी तिला लग्नाविषयी विचारण्यात आले. त्यावर तमन्नाने, "माझ्यासाठी लग्न आणि करिअरचा कोणताही संबंध नाही. मी खूप महत्वाकांक्षी मुलगी आहे. लग्नानंतरही मी अभिनय करत राहीन" असे उत्तर दिले.

तमन्ना भाटिया आणि विजय वर्मा यांची पहिली भेट सुजॉय घोष दिग्दर्शित 'लस्ट स्टोरीज २' या चित्रपटाच्या सेटवर झाली होती. प्रेक्षक तिला आणि विजय वर्माला एका प्रोजेक्टमध्ये एकत्र स्क्रिन शेअर करताना पाहू शकतील का, असे विचारले असता ती म्हणाली, "का नाही, जर आम्हाला एखादा चांगला प्रोजेक्ट मिळाला तर विजय आणि मला ते करताना खूप आनंद होईल."

कधी करणार हे कपल लग्न?

बॉलिवूडच्या या पॉवर कपलच्या लग्नाबद्दल बोलायचे झाले तर २०२५मध्ये हे दोघेही लग्न करणार असल्याची माहिती समोर येत आहे. १२३ तेलुगूने आपल्या एका रिपोर्टमध्ये लिहिले आहे की, या जोडप्याने लग्नाची सुरुवातीची तयारी पूर्ण केली आहे आणि सध्या ते मुंबईत एकत्र राहण्यासाठी घराच्या शोधात आहेत. लग्नानंतर ते याच घरात राहणार आहेत.
वाचा: कोल्हापूरच्या मराठमोळ्या मुलीच्या प्रेमात पडला आर माधवन, जाणून घ्या पत्नीविषयी

तमन्नाच्या कामाविषयी

तमन्ना भाटिया आणि विजय वर्मा या दोघांनीही मुंबईत घर शोधण्यावर किंवा लग्नाच्या चर्चांवर अद्याप भाष्य केलेले नाही. तमन्ना भाटिया अमर कौशिक दिग्दर्शित स्त्री-2 या चित्रपटात आयटम नंबर करताना दिसली होती. या चित्रपटात तिने शमा नावाच्या मुलीची भूमिका साकारली होती, जी प्रेक्षकांना खूप आवडली होती. सिकंदर का मुकद्दर हा तिचा पुढचा चित्रपट असून यात अविनाश तिवारी आणि जिमी शेरगिल यांच्याही भूमिका आहेत.