Holi 2023: रंग बरसे ते बलम पिचकारी.... बॉलिवूडच्या ‘या’ गाण्यांशिवाय होळी वाटेल अधुरी!

बलम पिचकारी

‘ये जवानी है दिवानी’ या चित्रपटातील रणबीर कपूर आणि दीपिका पदुकोण या जोडीवर चित्रित झालेलं ‘बलम पिचकारी’ हे गाणं सुपरहिट ठरलं आहे. चित्रपटाइतकंच या गाण्यालाही प्रेक्षकांनी भरभरून प्रेम दिलं. होळीच्या प्लेलिस्टमध्ये हे गाणं असायलाच हवं.

डू मी अ फेवर लेट्स प्ले होली

प्रियांका चोप्रा आणि अक्षय कुमार यांच्या २००५मध्ये प्रदर्शित झालेल्या ‘वक्त’ या चित्रपटातील ‘डू मी अ फेवर लेट्स प्ले होली’ हे गाणे चांगलेच गाजले होते. आजही होळीच्या दिवशी हे गाणे आवर्जून वाजवले जातेच. सुनिधी चौहान आणि अनु मलिक यांनी या गाण्याला आपला आवाज दिला होता.

होली खेले रघुवीरा

‘बागबान’ चित्रपटातील होली ‘खेले रघुवीरा अवध में’ हे गाणे होळीसाठी सगळ्यांचेच आवडते गाणे आहे. हे गाणे अमिताभ बच्चन, अलका याज्ञिक, सुखविंदर सिंग आणि उदित नारायण यांनी गायले आहे. तर, अमिताभ बच्चन आणि हेमा मालिनी यांच्यावर हे गाणे चित्रित झाले आहे.

रंग बरसे

‘सिलसिला’ चित्रपटातील ‘रंग बरसे’ या आयकॉनिक गाण्याशिवाय होळीचा सण अधुराच आहे. १९८१ साली आलेल्या ‘सिलसिला’ या चित्रपटात अमिताभ बच्चन, जया बच्चन, रेखा आणि संजीव कुमार यांनी मुख्य भूमिका साकारल्या होत्या. गाण्यात या चौघांची अधुरी प्रेमकहाणी अतिशय सुंदर पद्धतीने सांगण्यात आली आहे. ‘रंग बरसे’ या गाण्याचे बोल हरिवंशराय बच्चन यांनी लिहिले आहेत.

होली के दिन दिल खिल जाते है

बॉलिवूडमधील हिट चित्रपटांच्या यादीमधील एक चित्रपट म्हणजे 'शोले.' या चित्रपटात जय-वीरु या जोडीवर चित्रित झालेलं होळीचं गाणं देखील खूप गाजलं. ‘होली के दिन दिल खिल जाते है रंगो में रंग मिल जाते है...’ असे बोल असलेल्या या गाण्यात धर्मेंद्र आणि हेमामालिनी यांची केमिस्ट्री पाहायला मिळाली आहे.