Jhimma 2 Teaser: निमित्त इंदू डार्लिंगचा ७५वा वाढदिवस; 'झिम्मा २'चा धमाकेदार टीझर प्रदर्शित

‘झिम्मा २’ चित्रपटाच्या १ मिनिटे ४ सेकंदाच्या टीझरमध्ये सिद्धार्थ चांदेकर पु्न्हा एकदा नव्या ट्रीपचे आयोजन करतो. यावेळी निमित्त असते इंदू डार्लिंगचा वाढदिवस. इंदूला तिचा वाढदिवस तिच्या महिला गँगसोबत साजरा करायचा असतो. त्यामुळे या ट्रीपचे आयोजन करण्यात आले आहे. आता 'झिम्मा २'मध्ये नेमकं काय पाहायला मिळणार हे चित्रपटाचा ट्रेलर प्रदर्शित झाल्यावर कळेलच. त्यामुळे चाहत्यांमध्ये उत्सुकता शिगेला पोहोचली आहे.
वाचा: नाक कापून घ्यायला आलो नाही; अंकिताचे वागणे पाहून संतापला विकी

आनंद एल. राय आणि क्षिती जोग या चित्रपटाचे निर्माते आहेत आणि सहनिर्माते आहेत विराज गवस, उर्फी काझमी, अजिंक्य ढमाळ. आता झिम्मा २मध्ये कोणते कलाकार दिसणार? कोणत्या देशात या चित्रपटाचे चित्रीकरण होणार? हे सर्व गुपित ठेवण्यात आले आहे. लवकरच याबाबत घोषणा होणार आहे. काही दिवसांपूर्वी 'झिम्मा २' हा चित्रपट दसऱ्याच्या मुहूर्तावर प्रदर्शित होणार असल्याचे म्हटले जात होते. आता चित्रपट २४ नोव्हेंबरला प्रेक्षकांच्या भेटीला येणार आहे.