खुळ्या भावंडांची इरसाल गोष्ट! सिद्धार्थ चांदेकर, क्षिती जोगच्या 'फसक्लास दाभाडे!' चित्रपटाची घोषणा

मराठी चित्रपटसृष्टीमध्ये सतत वेगवेगळ्या विषयांवर आधारित चित्रपट प्रेक्षकांच्या भेटीला येताना दिसतात. त्यामध्ये दिग्दर्शक हेमंत ढोमेच्या चित्रपटांना प्रेक्षकांची चांगली पसंती असल्याचे पाहायला मिळाले. त्याच्या चित्रपटांची खासियत म्हणजे ते वास्तववादी असल्याने प्रेक्षक त्याच्याशी एकरूप होऊ शकतात. नुकतेच 'झिम्मा' या चित्रपटाचे दोन भाग प्रचंड गाजले. आता आपल्या गावच्या मातीतील चित्रपट घेऊन हेमंत ढोमे पुन्हा एकदा सज्ज झाला आहे. त्याचा 'फसक्लास दाभाडे!' हा चित्रपट प्रदर्शित होणार आहे. या चित्रपटाचे पोस्टर नुकताच प्रदर्शित झाले असून चर्चेत आहे.