Shriya Saran Birthday: ‘रहना है तेरे दिल में’साठी झाली होती श्रिया सरनची निवड; नंतर दाखवला बाहेरचा रस्ता! वाचा किस्सा

श्रिया सरनचा जन्म हरिद्वारमध्ये झाला. मात्र, तिचे शिक्षण दिल्लीत पूर्ण झाले. वास्तविक, अभिनेत्रीचे वडील पुष्पेंद्र सरन हे भारत हेवी इलेक्ट्रिकल लिमिटेड (BHEL) मध्ये काम करायचे. तर, तिची आई नीरजा सरन या दिल्ली पब्लिक स्कूलमध्ये शिक्षिका होत्या. लहानपणापासूनच श्रियाचा नृत्याकडे प्रचंड कल होता. हे पाहता अभिनेत्रीच्या कुटुंबीयांनी तिला शास्त्रीय आणि समकालीन नृत्याचे प्रशिक्षण घेऊ दिले. या अभिनेत्रीने कॉलेजच्या काळात अनेक स्पर्धांमध्ये भाग घेतला होता.

Shriya Saran: 'दृश्मय'मधून प्रसिद्धीच्या झोतात आलेल्या श्रियाकडे एकूण संपत्ती किती?

'दृश्यम'मधून मिळाली ओळख

श्रिया सरनला कॉलेजमध्ये असतानाच रेणू नाथनच्या 'थिरकटी क्यूं हवा' या म्युझिक अल्बममध्ये काम करण्याची संधी मिळाली. दरम्यान, या अभिनेत्रीला रामोजी फिल्म्सच्या 'इष्टम' या साऊथ चित्रपटात काम करण्याची संधीही मिळाली. मात्र, या अभिनेत्रीला सर्वाधिक ओळख 'दृश्यम' या बॉलिवूड चित्रपटातून मिळाली. या चित्रपटातील अभिनेत्रीची शांत आणि निरागस गृहिणी शैली प्रेक्षकांना आवडली. या चित्रपटात ती अजय देवगणसोबत मुख्य भूमिकेत दिसली होती.

‘रहना है तेरे दिल में’मधून बाहेर का पडली?

अभिनेत्री श्रिया सरनने बॉलिवूड रोमँटिक चित्रपट 'रेहना है तेरे दिल में'साठी ऑडिशनही दिले होते. या चित्रपटासाठी सुरुवातीला तिची निवड देखील झाली. या चित्रपटातील एका सीनमध्ये अभिनेत्रीला फक्त आर माधवनच्या डोळ्यात बघून ‘आय लव्ह यू’ म्हणायचं होतं. श्रियाने माधवनच्या डोळ्यात पाहून ‘आय लव्ह यू; म्हटलं की तिला खूप हसू यायचं. तिने एक-दोन वेळा नव्हे, तर अनेकदा हा प्रयत्न केला. मात्र, दरवेळी तिला आपलं हसू आवरता येत नव्हतं. अखेर तिने स्वतःच यातून माघार घेतली. नंतर हा चित्रपट दिया मिर्झाकडे गेला.