Sakshi Tanwar Birthday: साध्याभोळ्या पार्वतीने किसिंग सीन देऊन उडवली होती खळबळ! साक्षी तन्वरचा किस्सा माहितीय?

टेलिव्हिजनवर ‘आदर्श सून’ म्हणून आपले स्थान निर्माण करणाऱ्या साक्षीने केवळ टीव्ही मालिकांमध्येच नाही, तर अनेक चित्रपटांमध्येही काम केले आहे. मात्र, आता ती प्रेक्षकांच्या लक्षात राहिलीये तिने राम कपूरसोबत दिलेल्या किसिंग सीनमुळे... या सीनमुळे साक्षी तन्वर रातोरात प्रसिद्ध झाली. मात्र, नंतर असा सीन केल्याचा पश्चात्ताप झाल्याचे देखील तिने म्हटले होते. साक्षी तन्वरचा जन्म १२ जानेवारी १९७३ रोजी राजस्थानमधील अलवर येथे झाला. तिने राजस्थानमधूनच शालेय शिक्षण पूर्ण केले, पण पुढील शिक्षणासाठी ती दिल्लीत आली. घरी कोणतीही फिल्मी बॅकग्राउंड नसताना देखील तिने मनोरंजन विश्वात येण्याचं स्वप्न पाहिलं.

Arun Govil Birthday: ‘रामा’च्या भूमिकेसाठी रिजेक्ट झाले होते अरुण गोविल! मग कशी मिळवली भूमिका? वाचा...

कॉलेजमध्ये शिकत असताना साक्षीने एक जाहिरात पाहिली आणि ती दूरदर्शनच्या ‘अलबेला सूर मेला’ या कार्यक्रमाच्या ऑडिशनसाठी गेली. पहिल्याच फेरीत तिची निवड झाली आणि तिथूनच तिचा हा मनोरंजन विश्वातील प्रवास सुरू झाला. फिल्मी गाण्यांवर आधारित दूरदर्शनचा ‘अलबेला सूर मेला’ हा कार्यक्रम १९९६मध्ये प्रेक्षकांच्या भेटीला आला होता. यानंतर साक्षीने 'दस्तूर' या मालिकेतून छोट्या पडद्यावर पदार्पण केले. या मालिकेनंतर तिने कधीच मागे वळून पाहिले नाही. ‘कहानी घर घर की’ या मालिकेतील आदर्श सून ‘पार्वती’ने साक्षी तन्वरला खऱ्या अर्थाने ओळख मिळवून दिली.

एकीकडे आदर्श सूनेच्या भूमिकेतून प्रसिद्धी मिळवणाऱ्या साक्षी तन्वरने 'बडे अच्छे लगते हैं' या टीव्ही मालिकेमध्ये राम कपूरसोबत इंटिमेट सीन्स दिले. या मालिकेत राम कपूर आणि साक्षी तन्वर यांच्यात सुमारे १७ मिनिटांचा किसिंग सीन चित्रित करण्यात आला होता. या सीनने छोट्या पडद्यावर खळबळ उडवून दिली होती. मात्र, या सीनमुळे दोघेही जोरदार ट्रोल झाले होते. राम कपूर आणि साक्षी तन्वरवर चित्रित झालेला हा किसिंग सीन टीव्ही इंडस्ट्रीतील सर्वात लांब किसिंग सीन होता.

Tharala Tar Mag 11th Jan: अर्जुन सुभेदारच्या प्रयत्नांना यश येणार! सायलीचा रुसवा अखेर दूर होणार