Javed Jaffrey Birthday : वडिलांशी वाकडं; लग्न वर्षभरही नाही टिकलं! जावेद जाफरीबद्दल 'या' गोष्टी माहितीयत का?

'या' चित्रपटातून केले पदार्पण

जावेद जाफरी याने सुभाष घई यांच्या ‘मेरी जंग’ या चित्रपटातून पदार्पण केले होते. या चित्रपटातील त्याचे ‘बोल बेबी बोल’ हे गाणे हिट झाले होते. हे गाणे त्यांनी किशोर कुमारसोबत गायल्याचे फार कमी लोकांना ठाऊक आहे.

रिॲलिटी शोमधून मिळाली लोकप्रियता

जावेदने त्याचा भाऊ नावेद आणि अभिनेता रवी भेल यांच्यासह ‘बूगी वूगी’ या डान्स टॅलेंट शोचे परीक्षण केले होते, ज्यामुळे तो खूप लोकप्रिय झाला. जवळपास १६ वर्षे तो या शोसोबत काम करत होता.

कमाई किती?

जावेद जाफरी याने अनेक चित्रपटांमध्ये काम करण्यासोबतच काही चित्रपटांना आवाजही दिला आहे. त्याच्या चांगल्या आवाजामुळे त्याला अनेक शो होस्ट करण्याची संधी मिळाली. कमाईबद्दल बोलायचे झाले तर जाफेद जाफरीची एकूण संपत्ती ५१ कोटी रुपये आहे. जावेद जाफरी याचे मासिक उत्पन्न ४५ लाखांपेक्षा जास्त आहे.

Jui Gadkari : 'या' आजारामुळे कधीच आई होऊ शकत नाही जुई गडकरी! अभिनेत्रीला नक्की काय झालं?

एका चित्रपटासाठी किती फी घेतो?

जावेद जाफरीचे एका चित्रपटाचे मानधन २ ते ३ कोटी रुपये आहे. ब्रँड एंडोर्समेंट्स, चित्रपट, शो आणि टीव्ही जाहिराती हा त्याच्या कमाईचा स्रोत आहे. प्रत्येक ब्रँडच्या जाहिरातीसाठी तो ५० ते ६० लाख रुपये आकारतो. जावेद जाफरीचे वार्षिक उत्पन्न ६ कोटींहून अधिक आहे.

वर्षभरात मोडले पहिले लग्न

अभिनेत्याच्या वैयक्तिक आयुष्याबद्दल बोलायचे झाले तर, जावेद जाफरी याने १९८९ मध्ये झेबा बख्तियारशी (हीना फेम) लग्न केले, परंतु अवघ्या वर्षभरातच त्यांचा घटस्फोट झाला. जेबाने प्रसिद्ध संगीतकार आणि गायक अदनान सामीसोबत लग्न केले होते. नंतर जावेदने हबीबा जाफरीसोबत लग्नगाठ बांधली.

वडिलांचा करायचा तिरस्कार

जावेद जाफरी यांचे वडील जगदीप यांच्याशीही संबंध चांगले नव्हते. जावेदने वडिलांच्या दारू पिण्याच्या आणि जुगार खेळण्याच्या सवयीमुळे नेहमीच त्यांच्यापासून दूर राहणे पसंत केले होते.