‘या’ पाकिस्तानी अभिनेत्रीचे व्हिडिओ पाहण्यासाठी VPN खरेदी करत आहेत भारतीय फॅन्स

आजच्या घडीला जेव्हा एखादा भारतीय युजर अशा कोणत्याही पाकिस्तानी सेलिब्रिटीच्या अकाऊंटमध्ये अॅक्सेस करण्याचा प्रयत्न करतो, तेव्हा त्याला 'भारतात अकाऊंट उपलब्ध नाही' असा एरर मेसेज येतो. पण काही चाहते असे आहेत जे अजूनही हार मानत नाहीत. भारतात ब्लॉक असूनही अनेक चाहते व्हीपीएन म्हणजेच व्हर्च्युअल प्रायव्हेट नेटवर्कचा वापर करून या पाकिस्तानी कलाकारांचे इन्स्टा अकाऊंट अॅक्सेस करत आहेत.

व्हीपीएनच्या मदतीने पाकिस्तानी अभिनेता-कलाकाराचे अकाऊंट चाहते अॅक्सेस करतात, त्या यादीत पाकिस्तानी अभिनेत्री हनिया आमिरचे ही नाव आहे. हनिया आमिरच्या अकाऊंटवर भारतीय चाहते 'मिस यू', 'टेन्शन घेऊ नका, आम्ही व्हीपीएन घेऊन आलो आहोत', 'आम्ही तुमच्यासाठी व्हीपीएन घेतला आहे', अशा कमेंट ्स करत आहेत. सोशल मीडियावर चाहत्यांना अतिशय प्रेमाने प्रतिसाद देणाऱ्या हनियाने आपल्या चाहत्यांना उत्तर देताना लिहिले- मी रडणार आहे.

लोकांनी हानियाविषयी व्यक्त केले प्रेम -

भारतीय चाहत्यांच्या व्हीपीएनचा वापर करून तिचे अकाऊंट अॅक्सेस केल्याचा आणि तिचा कंटेंट पाहिल्याचा आनंद व्यक्त केला. एका चाहत्याने हानियाच्या पोस्टवर कमेंट केली, "तू काय केलंआहेस हे तुला कळतंय का? आपण एक चाहता वर्ग तयार केला आहे जो इतका शक्तिशाली, इतका वेडा आणि इतका भावनिकदृष्ट्या समर्पित आहे की केवळ आपल्याला पडद्यावर पाहण्यासाठी भारतात व्हीपीएन कनेक्शन खरेदी केले आहे. ही काही सामान्य फॅन्डोम नाही. हे पौराणिक प्रेम आहे.